"მაიამი ჰიტი" ასრულებს მომავალი სეზონისთვის შემადგენლობის დაკომპლექტებას. ფლორიდულმა კლუბმა ბოლო სამ დღეში ორი კალათბურთელი გაიფორმა. ერთ-ერთი მათგანია 32 წლის მცველი ედი ჰაუსი, რომელმაც კარიერის პირველი სამი წელი სწორედ "მაიამიში" გაატარა, შემდეგ კი შვიდი წლის განმავლობაში რვა კლუბი გამოიცვალა. კონტრაქტი ორწლიანია და წლიური ხელფასი 1.4 მილიონი იქნება.
ჰაუსმა ნამდვილ აღიარებას "ბოსტონში" მიაღწია, სადაც სამი წელი ითამაშა და 2008 წელს NBA-ის ჩემპიონი გახდა. მთელი კარიერის განმავლობაში ჰაუსი მნიშვნელოვან ფუნქციას ასრულებდა - მეტოქის დაცვას ბრწყინვალე ტყორცნებითა და დამაჯერებელი მოქმედებით აწიოკებდა. ყველა მწვრთნელი, ვისაც
"მაიამის" კიდევ ერთი ახალი კალათბურთელი გახდა მცველი პატრიკ ბევერლი. კონტრაქტი დეტალები არ გახმაურებულა. ბევერლიმ "ჰიტის" შემადგენლობაში ოთხი მატჩი ითამაშა საზაფხულო ლიგაში, მათ შორის სამი - სასტარტო ხუთეულში. მისმა საშუალო შედეგიანობამ 5.8 ქულა და 4.8 მოხსნა შეადგინა. შარშან ამერიკელი კალათბურთელი საბერძნეთის "ოლიმპიაკოსში" თამაშობდა და ევროლიგის გათამაშებაში 2.7 ქულასა და 1.9 მოხსნას აგროვებდა.
ასე რომ, "მაიამის" ერთი კალათბურთელი სჭირდება საგაისო შემადგენლობის სრულად დასაკომპლექტებლად. ამ ერთ ვაკანტურ ადგილზე ორი პრეტენდენტია: დაშონ ბატლერი და კენი ჰესბრუკი. როგორც მიმომხილველები აღნიშნავენ, წლევანდელ დრაფტზე არჩეული ბატლერი ძალიან ნიჭიერი კალათბურთელია და კლუბის მომავალ ვარსკვლავად უნდა მივიჩნიოთ, მაგრამ სავარაუდოდ, "ჰიტის" ხელმძღვანელობა ამჯერად არჩევანს კენი ჰესბურკზე შეაჩერებს, მით უმეტეს, რომ მან შესანიშნავი შთაბეჭდილება დატოვა საზაფხულო ლიგაზე
ოდენი და როი თითქმის მზად არიან
"პორტლენდ თრეილ ბლეიზერსის" ორი წამყვანი კალათბურთელი - ცენტრი გრეგ ოდენი და მცველი ბრენდონ როი თავდაუზოგავად მუშაობენ ძველი კონდიციების დასაბრუნებლად. ორივე კალათბურთელი ინდიანაში ფიზმომზადების მწვრთნელის ხელმძღვანელობით ვარჯიშობს.
ოდენმა პრესასთან საუბარში აღნიშნა, რომ ყოველდღიური 5-საათიანი ვარჯიშებით ოპტიმალურ წონას მიაღწია. როის თქმით, ისიც თითქმის მიუახლოვდა ნორმალურ კონდიციებს. ასე რომ, "პორტლენდის" ორი ტრავმირებული კალათბურთელი, სავარაუდოდ, მზად იქნება ახალი სეზონისთვის.
"ყოველდღე ვსტუმრობ სატრენაჟორო დარბაზს და შემდეგი დიდი მონდომებით სეზონისთვის ვემზადები", - აღნიშნავს ბრენდონ როი.
მსოფლიოზე ვუვუზელა არ იქნება
კალათბურთის საერთაშორისო ფედერაციის გადაწყვეტილებით, მსოფლიოს მოახლოებული ჩემპიონატის მატჩების დროს დარბაზში ვუვუზელების შეტანა აკრძალული იქნება.
FIBA-ის ხელმძღვანელთა აზრით, დაუშვებელია ამ მუსიკალური ინსტრუმენტის გამოყენება ისეთ შეზღუდულ სივრცეში, როგორიც საკალათბურთო დარბაზია. ამან შეიძლება გააფუჭოს ჩემპიონატის ატმოსფერო და ავნოს როგორც გულშემატკივრის, ასევე ჩემპიონატის მონაწილეთა ჯანმრთელობას.
წესის დარღვევის შემთხვევაში, გულშემატკივრებს ინსტრუმენტს წაართმევენ და დარბაზიდან მიაბრძანებენ.
ოლიმპიაკოსში კრიზისია
რთული პერიოდი უდგას ერთ-ერთ ბერძნულ გრანდს - "ოლიმპიაკოსს". კლუბის ხელმძღვანელობამ თხოვნით მიმართა კალათბურთელებს, რომ ისინი დათანხმდნენ ხელფასის 25 პროცენტით შემცირებას. საქმე ისაა, რომ საბერძნეთში დაბეგვრის ახალი სისტემა მიიღეს და საერთოდაც, ეკონომიკური სიტუაცია კვლავაც არც ისე სახარბიელოა.
პირველ რიგში, ხელმძღვანელობის თხოვნა პაპალუკასს (ხელფასი 3.5 მილიონი), ბურუსისს (1.7) და ვასილოპულოსს (1.4) ეხება. შეგახსენებთ, რომ უფრო ადრე ბერძნულმა კლუბმა ჩილდრესი (4.2) და კლეიზა (2.5) დაითხოვა.
ლელო
