ლოს ანჯელესის ერთ-ერთი რადიოს წამყვანმა ჯონ აირლენდმა სანდო წყაროზე დაყრდნობით გამოაცხადა, რომ დღეს შედგება გაცვლა "ორლანდო მეჯიქსა" და "ნიუ ჯერსი ნეტსს" შორის. ამ ტრედის თანახმად "ნიუ ჯერსიში" აღმოჩნდება ლიგის საუკეთესო ცენტრი დუაიტ ჰოვარდი.
აირლენდმა ისიც აღნიშნა, რომ გასულ წელს ამ წყარომ უშეცდომოდ აცნობა რადიოწამყვანს ლებრონ ჯეიმსისა და კრის ბოშის "მაიამიში" გადასვლა.
* * *
ერთი კვირის წინ "დენვერ ნაგეტსმა" შეძლო ახალი კონრაქტის გაფორმება თავის ერთ-ერთ ლიდერთან, ბრაზილიელ ცენტრთან ნენე ილარიოსთან. ახლა კი კლუბმა ხელშეკრულება გაუგრძელა მცველ არონ აფლალოს, - წერს
ახალი კონტრაქტის თანახმად, 26 წლის კალათბურთელი "დენვერში" კიდევ ხუთი წელი დარჩება და ამ დროის განმავლობაში 43 მილიონ დოლარს გამოიმუშავებს.
გასულ სეზონში აფლალო საშუალოდ 12.6 ქულას აგროვებდა, თუმცა "დენვერის" მთავარი მწვრთნელი ჯორჯ კარლი აფლალოში ყველაზე მეტად დაცვაში კარგ თამაშს აფასებდა.
ყოველდღიური სპორტული გაზეთი "ლელო"
