გაირკვა ლიგის ორი წამყვანი კალათბურთელის გამოჯანმრთელების ვადები. "ნიუ ჯერსი ნეტსის" ძირითადმა ცენტრმა ბრუკ ლოპესმა მარჯვენა ფეხზე ოპერაცია გადაიტანა. ამერიკული პრესის ცნობით, ოპერაციამ წარმატებით ჩაიარა. სავარაუდოდ, 23 წლის კალათბურთელის აღდგენის ვადა 6-8 კვირა იქნება.
შეგახსენეთ, რომ ბრუკმა ტრავმა "ნიუ იორკთან" წინასასეზონო მატჩის დრო მიიღო.
ლოპესი "ნეტსმა" 2008 წლის დრაფტის მე-10 ნომრად აირჩია. გასულ სეზონში მისი სტატისტიკა 82 შეხვედრაში 20.4 ქულასა და 6.0 მოხსნას უდრიდა.
* * *
სამედიცინო შემოწმებამ აჩვენა, რომ "ნიუ იორკ ნიქსის" ახალწვეულს ბაირონ დევისს ხერხემლის ტრავმა აწუხებს. როგორც
როგორც იცით, ამ სეზონის დაწყებამდე ეს კალათბურთელი შემადგენლობიდან დაითხოვა "კლივლენდმა" და შემდეგ დევისი თავისუფალი აგენტის სტატუსით "ნიუ იორკმა" აიყვანა.
ყოველდღიური სპორტული გაზეთი "ლელო"
