"დალას მავერიქსის" ლიდერმა დირკ ნოვიცკიმ მარჯვენა მუხლზე ართროსკოპიული ოპერაცია გადაიტანა, - იტყობინება NBA-ის ოფიციალური ვებგვერდი. ამის გამო, 34 წლის გერმანელი ვარსკვლავი ექვსი კვირა ვერ ითამაშებს და გამოტოვებს ახალი რეგულარული ჩემპიონატის სტარტს.
შეგახსენებთ, რომ რამდენიმე დღის წინ, ნოვიცკიმ განაცხადა - პერიოდულად უსივდება მარჯვენა მუხლი, მაგრამ იმედი აქვს, რომ ოპერაცია არ დასჭირდება.
მაგრამ გერმანელმა გართულება თავიდან ვერ აიცილა და ახლა, მის გუნდს ახალი სეზონის დაწყება თავისი საუკეთესო კალათბურთელის გარეშე მოუწევს.
ამ დაზიანების გამო, ნოვიცკიმ უკვე გამოტოვა წინასასეზონო სამი შეხვედრა.
ყოველდღიური სპორტული გაზეთი
