"ლოს ანჯელეს ლეიკერსმა" ახალი მთავარი მწვრთნელი იპოვა. კალიფორნიული გრანდის დამრიგებელი გახდა იტალიური წარმოშობის ამერიკელი მაიკ დ'ენტონი.61 წლის დ'ენტონი ამ პოსტზე მაიკ ბრაუნს შეცვლის, რომელიც გუნდიდან 9 ნოემბერს გაუშვეს. მისი განთავისუფლების მიზეზი გახდა გუნდის არადამაკმაყოფილებელი გამოსვლა რეგულარული სეზონის სტარტზე: პირველ ხუთ მატჩში "ლეიკერსმა" მხოლოდ ერთი მოიგო, მანამდე კი რვა წინასასეზონო შეხვედრა დათმო.
დ'ენტონის დანიშვნამდე მთავარი მწვრთნელის მოვალეობებს ბრაუნის თანაშემწე ბერნი ბიკერსტაფი ასრულებდა. მისი ხელმძღვანელობით გუნდმა ორი მატჩი მოიგო: დაამარცხა "გოლდენ სტეიტი" (101:77) და "საკრამენტო" (103:90).
როგორც სააგენტო AP-მ გაარკვია, მაიკ
შეგახსენებთ, რომ "ლეიკერსის" მწვრთნელის პოსტზე ძირითად კანდიდატად ფილ ჯექსონი განიხილებოდა, რომელიც აქამდე ორჯერ მუშაობდა კალიფორნიულ კლუბში (1999-2004 და 2005-11 წლებში) და ხუთჯერ მიიყვანა "ლეიკერსი" ჩემპიონობამდე. თუმცა კლუბის ხელმძღვანელობამ ვერ შეძლო ლეგენდარულ სპეციალისტთან მოლაპარაკება.
მაიკ დ'ენტონი სამწვრთნელო კარიერას იტალიაში იწყებდა. NBA-ში მას ოთხ გუნდში უმუშავია - "დენვერში", "პორტლენდში", "ფინიქსსა" და "ნიუ იორკში", საიდანაც 2012 წლის მარტში დაითხოვეს.
ყოველდღიური სპორტული გაზეთი "ლელო"
