18 დეკემბერს ეროვნულ საკალათბურთო ასოციაციაში ცენტრალური მატჩი, რა თქმა უნდა, "ოკლაჰომასა" და "სან ანტონიოს" დაპირისპირება იყო, თუმცა არსებობდა საშიშროება იმისა, რომ შეხვედრა ვერ გაამართლებდა მაყურებელთა მოლოდინს, რადგან "სპურსს" ძალიან ბევრი ტრავმირებული ჰყავს, მაგალითად, ამ მატჩში მონაწილეობა ვერ მიიღო მანუ ჯინობილიმ. მოლოდინი გამართლდა - "ოკლაჰომას" სამი მეოთხედი ეყო იმისთვის, რომ მინიმუმ ახალ წლამდე გაემყარებინა ლიდერობა დასავლეთ კონფერენციაში და თან რევანში აეღო გრეგ პოპოვიჩის გუნდისთვის ჩემპიონატის გახსნის მატჩში მარცხის გამო.სტუმრების რიგებში ჯინობილის არყოფნით გამოწვეული ვაკუუმის შევსება ნანდო დე კოლომ სცადა, რომელმაც
ამას ემატება წაგებული ფარი (მოხსნები: 37-49) და 16 ისეთი ჯარიმა, რომლის დროსაც "ოკლაჰომას" რომელიმე კალათბურთელი საჯარიმოს ხაზზე დგებოდა. მასპინძლებმა ეს მომენტი კარგად გამოიყენეს - 30-დან 27 თავისუფალი გამოიყენეს. და კიდევ, "სპურსს" სამქულიანების გამოყენების საშინელი პროცენტი ჰქონდა - 20-დან მხოლოდ 6 ზუსტი შორეული ტყორცნა.
ამ მატჩის გმირები არა კევინ დურანტი ან რასელ უესტბრუკი, არამედ სერჟ იბაკა და კევინ მარტინი იყვნენ. იბაკამ შედეგიანობის პირადი რეკორდი დაამყარა (25 ქულა), რასაც 17 მოხსნა დაუმატა. ბრწყინვალედ ისროდა იმ დღეს მარტინი - ამ წყვილმა თამაშიდან 26-ჯერ ისროლა და 17-ჯერ ზუსტად. გასაკვირი არ არის, რომ ასეთ სიტუაციაში დურანტმა ჩრდილში ყოფნა ამჯობინა, უესტბრუკმა კი პასებით მომარაგება.
"სან ანტონიომ" ბოლო ოთხ მატჩში მესამედ წააგო. ამ გუნდის მდგომარეობას კარგად გამოხატავს ტექნიკური ჯარიმა, რომელიც გრეგ პოპოვიჩმა მიიღო. "სპურსის" მწვრთნელმა მეტოქის 11:0 გაქცევის შემდეგ აიღო ტაიმ-აუტი, მაგრამ იმის ნაცვლად, რომ თავისი შეგირდებისთვის ახსნა-განმარტებები მიეცა, მსაჯთან, ბენეტ სალვატორესთან ურთიერთობის გარკვევა დაიწყო.
"ოკლაჰომამ" კი 11 მატჩამდე აიყვანა თავისი მოგებათა სერია, რითაც გაიმეორა საკლუბო რეკორდი, რომელიც 1996 წლით თარიღდება, მაგრამ ეს სერია, სავარაუდოდ, მალე შეწყდება, რადგან მომდევნო 21 მატჩიდან 15-ს "ოკლაჰომა" სტუმრად ჩაატარებს.
