ამერიკაში "მაიამი ჰიტის" ლიდერ ლებრონ ჯეიმსის პატივსაცემად რამდენიმე მულტფილმის გადაღებას აპირებენ, რომელშიც მთავარი მოქმედი გმირი თავად კალათბურთელი იქნება.როგორც სააგენტო AP წერს, მულტსერიალის სახელწოდება The Lebrons იქნება. ფილმები Youtube-ზე და ჯეიმსის ოფიციალურ ვებგვერდზე გაზაფხულზე აიტვირთება. ლებრონმა "ნაიკის" რეკლამებში მონაწილეობის შემდეგ თავად მიაწოდა ეს იდეა ანიმატორებს. კალათბურთელის აზრით, მულტფილმების გამოშვება - ყველაზე კარგი ხერხია აჩვენო ბავშვებსა და ახალგაზრდებს, როგორ გახდე კარგი ადამიანი.
.
