NBA. ფინალური სერია: მატჩის ციფრები

- შვიდი სამქულიანის გამოყენებით, სტივენ კარიმ პლეი ოფში 55-მდე აიყვანა მატჩების სერია, რომლის დროსაც მინიმუმ ერთ სამქულიანს აგდებდა შეხვედრაში.

- "გოლდენ სტეიტმა" მე-15 მატჩი მოიგო პლეი ოფში და 88-ე სეზონში (რეგულარული ჩემპიონატის მატჩების ჩათვლით). ეს NBA-ის ახალი რეკორდია. წინა რეკორდი (87 მოგება) "ჩიკაგო ბულზს" ჰქონდა 1995-96 წლების სეზონში.

- სერიის მეოთხე მატჩში 17 სამქულიანის გამოყენებით, "გოლდენ სტეიტმა" ფინალური სერიებისთვის ახალი რეკორდი დაამყარა. წინა რეკორდის მფლობელი (16 სამქულიანი) იყო "სან ანტონიო სპურსი".

- სტივენ კარი 38 ქულით მერვე მოთამაშე გახდა 1984 წლის შემდეგ, ვისაც ფინალურ სერიაში ასეთი მონაგარი ჰქონდა.

- კარის ფინალურ სერიებში 42 ზუსტი სამქულიანი დაუგროვდა, რითაც გაუთანარდა მეექვსე ადგილზე მყოფ მანუ ჯინობილისა და მაიკლ ჯორდანს დაეწია.

კლივლენდი-გ. სტეიტი 97:108
28:29, 27:21, 22:29, 20:29
კ: ირვინგი (34+4 პასი+3 ჩაჭრა), ჯეიმსი (25+13 მოხსნა+9 პასი+3 დაფარება), ლავი (11+5 მოხსნა), ტომპსონი (10+7 მოხსნა), სმიტი (10), ჯეფერსონი (3+6 მოხსნა), დელავედოვა (2), შამპერტი (2).
გ-ს: კარი (38+6 პასი+5 მოხსნა), ტომპსონი (25), ბარნსი (14+8 მოხსნა), იგუოდალა (10+7 პასი+6 მოხსნა), გრინი (9+12 მოხსნა+4 პასი+3 დაფარება), ლივინგსტონი (8), ვარეჟაო (2), მაკადუ (2).
რეალიზაციის პროცენტი: თამაშიდან (46.9/40.7), სამქულიანები (24/47.2), საჯარიმო (57.7/80.6).
სერია: 1-3

"კლივლენდის" გულშემატკივარი მო ვადანი სამსახურიდან დაითხოვეს მას შემდეგ, რაც შეურაცხმყოფელი შეტყობინება გაუგზავნა "გოლდენ სტეიტის" გამთამაშებლის სტივენ კარის დას.

ვადანის "ტვიტში" შეურაცხმყოფელი სიტყვები იყო კალათბურთერის ოჯახის წევრთა მისამართით, მათ შორის, მოხსენიებული იყო კარის ქალიშვილი რაილი.

მოგვიანებით, ვადანის დამქირავებელმა კარის ოჯახს ბოდიში მოუხადა და შეატყობინა თავისი თანამშრომლის გათავისუფლებაზე.

ყოველდღიური სპორტული გაზეთი "ლელო"