კალათბურთის მსოფლიოს ჩემპიონატზე მეშვიდე ადგილისთვის მატჩში სლოვენიის ნაკრებმა იტალიას მოუგო - 89:85.
შეხვედრაში ყველაზე შედეგიანი მოთამაშე სლოვენიელთა მცველი ლუკა დონჩიჩი გახდა, რომელმაც იტალიის ნაკრების კალათში 29 ქულა მოათავსა. ლუკას მსოფლიოს თასზე ისტორიულ სამმაგ დუბლამდე 2 პასი დააკლდა - დონჩიჩს 10 მოხსნა და 8 შედეგიანი გადაცემაც ჰქონდა.
იტალიის ნაკრების რიგებში საუკეთესო "ვენეციის" გამთამაშებელი მარკო სპიცუ იყო - მის ანგარიშზე 22 ქულა გახლდათ.
გამარჯვების შედეგად, სლოვენიამ ჩემპიონატი მე-7 ადგილზე დაასრულა, იტალიამ - მერვეზე.
დღეს, 9 სექტემბერს კიდევ ერთი მატჩი გაიმართება - მეხუთე ადგილისთვის ბრძოლაში ერთმანეთს ლატვია და ლიეტუვა დაუპირისპირდებიან.
