საქართველოს ნაკრების მწვრთნელმა ზუროსმა პარკეტზე შემდეგი სასტარტო ხუთეული გაიყვანა: ცინცაძე, სანაძე, მაკფადენი, შენგელია, შერმადინი. ჩვენი გუნდი ქულებს ძირითადად შენგელიას ძალისხმევით აგროვებდა და დაცვაში ისევ უშვებდა შეცდომებს, რითაც სორკინი სარგებლობდა. ზუროსმა მეექვსე წუთზე შეცვლაზე მამუკელაშვილი შეუშვა, რომელიც ნაკრებს ხანგრძლივი პერიოდის შემდეგ დაუბრუნდა. პირველი მეოთხედი კი ძალიან შედეგიანი გამოვიდა და 26:29 წავაგეთ.
მეტოქე კომბინაციურად უკეთ თამაშობდა, ფარზეც გვჯაბნიდა, სამქულიანებსაც კარგად ისროდნენ და 11 ქულით გაქცევა მოახერხა. თუმცა, საქართველოს ნაკრებმა ანგარიშის შემცირება შეძლო და პირველი ტაიმი 48:54 დასრულდა.
მესამე მეოთხედში თამაშის სურათი არ შეიცვალა, მოწინააღმდეგე გუნდურადაც უკეთ მოქმედებდა, სამიანებსაც ჩინებულად ისროდნენ და 16 ქულით გავიდა წინ. ჩვენი გუნდის კალათბურთელები ძირითადად ინდივიდუალური გარღვევებით ცდილობდნენ ფონს გასვლას, შეტევაშიც ელემენტარულ შეცდომებს უშვებდნენ და დასკვნითი პერიოდის წინ მეტოქემ სერიოზული უპირატესობა მოიპოვა.
მეოთხე მეოთხედი საქართველოს ნაკრებმა უკეთ ჩაატარა, თუმცა მატჩის გადარჩენა ვერ მოახერხა და საბოლოოდ 8 ქულით დამარცხდა.
26 ქულით ყველაზე შედეგიანი შენგელია იყო, შერმადინმა 16 ქულა ჩააგდო, სანაძემ 15, მაკფადენმა 13, ჯინჭარაძემ კი - 9.
13 აგვისტოს საქართველოს ნაკრები ისრაელს კიდეც ერთხელ შეხვდება, თუმცა მატჩი დახურული იქნება და გულშემატკივრები და მედიის წარმომადგენლები ვერ დაესწრებიან.
ეროვნული ნაკრების ღია ვარჯიში ისრაელთან მატჩის წინ [VIDEO]
![მამუკელაშვილის გარეშე - საქართველოს ნაკრები იტალიასთან დამარცხდა [VIDEO]](/pictures/image7/80c5b82562cf2cf9b57f8b8e8fb6e3e2.jpg "მამუკელაშვილის გარეშე - საქართველოს ნაკრები იტალიასთან დამარცხდა [VIDEO]")
ჩვენებმა 96 ქულა ჩააგდეს და ვერ ვიტყვი, რომ ისრაელმა დაცვა არ ითამაშა. ანუ, ჩვენებმა შეტევაში კარგად ითამაშეს, თუმცა დაცვაში ძალიან სუსტად და ეს განაპირობა ისრაელის ძალიან კარგმა თამაშმა.
ვნახოთ ევროპაზე რა შედეგები იქნება. ისრაელი თავის თავს მიხედავს, ჩვენებმა კი დაცვაში უფრო სწრაფად უნდა იმოძრაონ. არ ვიცი ისრაელის სროლის პროცენტი, თუმცა იმედი მაქვს ყველა ჩვენს მეტოქეს ასე არ გაუმართლებს და უფრო მეტს ააცდენენ.
იმედიქ ეს ბოლო მოსამზადებელი თამაშები დაუმალა ზუროსმა მომავალ მეტოქეებს.
თუ ასე არარი ესეიგი პუტინში ვაართ ღრმაად...