რას წერენ უცხოურ მედიაში, ფაჩულიას წასვლასთან დაკავშირებით

ზაზა ფაჩულიას გადაწყვეტილებას დიდი გამოხმაურება მოჰყვა უცხოურ მედიაში.

როგორც იცით, ზაზა ფაჩულიამ სანაკრებო კარიერა დაასრულა და გულშემატკივარს დაემშვიდობა.

ზაზა ფაჩულიას "გედის სიმღერა" - ასე დაასათაურა ბერძნულმა გამოცემა "ბასკეტა.გრ"-მ. აი, რას წერს ის: "გოლდენ სტეიტისა" და საქართველოს ნაკრების ცენტრი ეროვნულ ნაკრებს დაემშვიდობა. მოლოდინი იმისა, რომ საქართველოს ნაკრებს სტამბოლში ვიხილავდით, არ გამართლდა. მისი მაჩვენებელი ევრობასკეტზე 13.4 ქულა და 9.2 მოხსნა იყო.

"basketusa.com": საქართველოს საკალათბურთო ნაკრების მაისური ზაზა ფაჩულიას იტალიის ნაკრებთან შეხვედრაში ბოლოჯერ ეცვა. საქართველოს დამოუკიდებლობის აღდგენიდან, ზაზამ პირველად ააფრიალა საქართველოს დროშა ევრობასკეტზე 2011 წელს. 

"bball.bg": ქართველ გულშემატკივრებში სუფევს დეპრესიული განწყობა და არამხოლოდ იმიტომ, რომ საქართველოს ნაკრები ევრობასკეტს დაემშვიდობა. სანაკრებო კარიერა დაასრულა ნაკრების ვარსკვლავმა ზაზა ფაჩულიამ. კალათბურთელი, რომელიც ბოლო ათი წლის განმავლობაში  საქართველოს სიმბოლო და ნაკრების მთავარი მედროშე იყო.

"tritaskis.lt":  საქართველოს ნაკრები ევრობასკეტს დაემშვიდობა, საქართველოს ნაკრებს კი - ზაზა ფაჩულია. გუნდი დატოვა ნაკრების უდავო ლიდერმა, რომელიც 2003 წლიდან დირიჟორობდა საკუთარ გუნდს.

"basketeurope.com": ზაზა ფაჩულია პენსიაზე გავიდა. საქართველოს ნაკრების მე-5 ადგილი ჯგუფში ზაზასთვის სანაკრებო კარიერის დასრულების მიზეზი გახდა.  ვეტერანი კალათბურთელი სამშობლოს ღირსებას 2003 წლიდან იცავდა. ზაზა მომავალ სეზონში მხოლოდ საკლუბო კარიერით დაიტვირთება NBA-ს ჩემპიონ "გოლდენ სტეიტში".

- კაპიტნის წასვლის დროც მოვიდა! - ზაზა ფაჩულიას ემოციური პოსტი