ლიგა ენდესას მე-6 ტურში "ბასკონიამ" მადრიდში "ესტუდიანტესი" 100:67 გაანადგურა.
შეხვედრის ბედი პირველსავე ტაიმში გადაწყდა, რომელიც სტუმრებმა 26 ქულით მოიგეს.
"ბასკონიას" კაპიტანმა თორნიკე შენგელიამ 23:18 წუთში 18 ქულა ჩააგდო (11-დან 7 ორქულიანი, 1-დან 0 სამქულიანი, 6-დან 4 საჯარიმო), 2-ჯერ მოხსნა ბურთი და 1 შედეგიანი გადაცემა გააკეთა.
საქართველოს ნაკრების კალათბურთელი მეტ ჯენინგი 17:57 წუთში თავის გუნდს 6 ქულით შეეწია (3-დან 3 ორქულიანი, 5-დან 0 სამქულიანი), 3-ჯერ მოხსნა ბურთი და 1 შედეგიანი პასი გააკეთა.
"ბასკონიამ" ჩემპიონატის სტარტზე 5 შეხვედრა მოიგო, სატურნირო ცხრილში მესამე ადგილზეა და
4 ნოემბერს "ვალენსიას" უმასპინძლებს.
![alt](/pictures/image50/ab1b127028d6bbda2c5bfbd7539f8c40.jpg "თორნიკე შენგელიამ "ესტუდიანტესს" 18 ქულა ჩაუგდო")
შენგელია "ბაიერნთან" მატჩში საუკეთესო იყო, მისი გუნდი კი დამარცხდა
![შენგელიას 17 ქულა "პანათინაიკოსთან" "ვირტუსი" ფავორიტთან ბოლო წუთებზე დამარცხდა [VIDEO]](/pictures/image7/4c6d6a1f4963611f07c11dc3d4c1444f.jpg "შენგელიას 17 ქულა \"პანათინაიკოსთან\" \"ვირტუსი\" ფავორიტთან ბოლო წუთებზე დამარცხდა [VIDEO]")
