ფიბას ჩემპიონთა ლიგაში დამაჯერებელი გამარჯვება მოიპოვა ესპანურმა "მურსიამ", რომლის ღირსებასაც საქართველოს ეროვნული ნაკრების 2 წევრი – რატი ანდრონიკაშვილი და თად მაკფადენი - იცავს. "ბილბაოსთან" მატჩში ორივე მათგანმა ითამაშა და გამარჯვებაშიც საკუთარი წვლილი შეიტანა.შეხვედრა მურსიელებმა 18 ქულის სხვაობით – 90:72 მოიგეს და ჩემპიონთა ლიგის მეორე ჯგუფურ ეტაპზე მოგება-წაგებები გაითანაბრეს: 1:1. საბოლოოდ, მაკფადენმა "მურსიას" გამარჯვებაში დიდი წვლილი შეიტანა, მან არასრულ 21 წუთში გუნდს 17 ქულა მოუტანა (3 სამქულიანი ჩააგდო). თადის ანგარიშზეა 4 პასი და 1 მოხსნა, მაგრამ 4 დაკარგვაც. 4 წუთზე
შეგახსენებთ, რომ ამავე ჯგუფში ასპარეზობს გიორგი შერმადინის "ტენერიფე", რომელმაც პირველ ტურში სწორედ "მურსიას" მოუგო. 1-ელ თებერვალს ტენერიფელები თურქულ "დარუშაფაკას" ეთამაშებიან, ხოლო 7 თებერვალს სტამბოლს სათამაშოდ მაკფადენისა და ანდრონიკაშვილის "მურსია" ესტუმრება.
GBF
შენგელიას 15 ქულა და MVP-ის ტიტული ცრვენა ზვეზდასთან მოგებულ მატჩში [VIDEO]
