4 მაისს NBA-ს პლეი-ოფის მეორე რაუნდის მორიგი მატჩები გაიმართა.
"მილუოკი ბაქსმა" სერიის მესამე მატჩში სტუმრად "ბოსტონ სელტიქსი" ანგარიშით 123:116 დაამარცხა და 2:1 დაწინაურდა.
სტუმრებს ულიდერა ვინ თუ არა ბერძენმა იანის ანტეტოკოუნმპომ, რომელმაც შეხვედრაში ყველაზე მეტი 32 ქულა ჩააგდო, რასაც 13 მოხსნა, 8 პასი, 3 ბლოკი და 2 ჩაჭრა მიამატა, ხოლო ბურთი ხუთჯერ დაკარგა.
ჯორჯ ჰილმა 21 ქულა მიითვალა, ხოლო კრის მიდლტონმა 20 ქულის მოგროვება შეძლო.
"ბოსტონიდან" კაირი ირვინგი 29 ქულით გამოირჩა, ჯეისონ ტატუმმა კი 20 ქულა და 11 მოხსნა დააგროვა.
დაძაბული მატჩი გაიმართა პორტლენდში, სადაც "ბლეიზერსმა" "დენვერს" ოვერტაიმში ანგარიშით 140:137 მოუგო. შეხვედრის ძირითადი დრო 102:102 დასრულდა. ოვერტაიმში კი მასპინძლებმა 3 ქულით მეტი მოაგროვეს.
ამ გამარჯვების შემდეგ "პორტლენდი" სერიაში 2:1 დაწინაურდა.
სი ჯი მაკკოლუმმა "პორტლენდს" 41 ქულა შესძინა, დემიენ ლილარდმა კი 28 ქულა მიითვალა.
"დენვერიდან" ლეგიონერები გამოირჩნენ - კანადელმა ჯამალ მიურეიმ 34 ქულას მოუყარა თავი, ხოლო სერბმა ნიკოლა იოკიჩმა სამმაგი დუბლი გაიფორმა, მან 33 ქულა, 18 მოხსნა და 14 პასი ჩაიწერა აქტივში.
აღსანიშნავია, რომ იოკიჩმა პარკეტზე 65 წუთი გაატარა. მსგავსი რამე NBA-ს პლეი-ოფში 1953 წლის შემდეგ არ მომხდარა. მაშინ "სირაკიუზის" და "ბოსტონის" მატჩში რედ როჩმა და პოლ სეიმურმა პარკეტზე 67 წუთი გაატარეს.
პორტლენდი - დენვერი 140:137
NBA. პლეი-ოფი: კავაის არ ეხმარებიან, "სიქსერსი" სერიაში დაწინაურდა [VIDEO]
![დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]](/pictures/image7/c96f525ed467e0c3e212806e0139e5b2.jpg "დონჩიჩისა და იოკიჩის შოუ ირვინგმა მოიპარა - გამთამაშებლის საოცარი ტყორცნა და ბოლო წამზე მოგებული მატჩი [VIDEO]")
!["კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]](/pictures/image7/a4f965ca021aab6a68a2a7ca9750c131.jpg "\"კლიპერსის\" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]")
![ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი "ბაქსის" რიგებში [VIDEO]](/pictures/image7/45c9ce7b9d042b3a317520e3550f587a.jpg "ლილარდმა ახალ გუნდს პირველივე თამაში მოაგებინა - დემიენის შედეგიანი დებიუტი \"ბაქსის\" რიგებში [VIDEO]")
![იოკიჩისა და მარის ფანტასტიკური თამაში და მნიშვნელოვანი გამარჯვება ფლორიდაში [VIDEO]](/pictures/image7/14019b9dbd6f9a6f1ca1190ab8211d55.jpg "იოკიჩისა და მარის ფანტასტიკური თამაში და მნიშვნელოვანი გამარჯვება ფლორიდაში [VIDEO]")
![იოკიჩი ვერ გააჩერეს - სუპერფინალში "დენვერმა" "მაიამი" დაამარცხა [VIDEO]](/pictures/image7/999497602b3d5448404c9527005be70c.jpg "იოკიჩი ვერ გააჩერეს - სუპერფინალში \"დენვერმა\" \"მაიამი\" დაამარცხა [VIDEO]")
