New York Post-ის ინფორმაციით, ნაციონალური საკალათბურთო ასოციაციის ხელმძღვანელობა 2019/20 წლების სეზონის პლეი-ოფის სისტემის შეცვლას გეგმავს.
გამოცემის მიხედვით, შესაძლოა, პლეი-ოფის სერია 3 გამარჯვებამდე გაგრძელდეს. ეს კორონავირუსის გამო შეწყვეტილი სეზონის განახლების ერთ-ერთი ვარიანტია.
ამას გარდა, კლუბების ხელმძღვანელები სეზონის დასრულებას მოითხოვენ და პლეი-ოფის სრულყოფილი წესით ჩატარებას, თუნდაც მაყურებელთა გარეშე. განსაკუთრებულ შემთხვევაში, კლუბები პლეი-ოფის 1-მატჩიან დუელზეც არიან თანახმა.
NBA-ს რეგულარული სეზონი მას შემდეგ შეწყდა, რაც "იუტა ჯაზის" ფრანგ ცენტრ რუდი გობერს კორონავირუსი დაუდგინდა. მოგვიანებით დაინფიცირდა "ბრუკლინის" ფორვარდი კევინ დურანტიც. გუნდები სეზონის გაგრძელებას ზაფხულში ვარაუდობენ.
![alt](/pictures/image50/3f3607468123f9ff0acbdee423b0d56d.jpg "New York Post: NBA-ში "პლეი ოფის" სისტემის შეცვლას განიხილავენ")
![alt](/pictures/image50/9e3d4fb4b2416f0d564a852fa45b6282.jpg "New York Post: NBA-ში "პლეი ოფის" სისტემის შეცვლას განიხილავენ")
ზაზა ფაჩულიას 15 ქულა და 20 მოხსნა - აშშ-ში NBA-ს ისტორიული მატჩი გაიხსენეს [VIDEO]
