ნაციონალურ საკალათბურთო ასოციაციაში 3 შეხვედრა გაიმართა.
"ფილადელფიამ" "იუტა ჯაზს" უმასპინძლა. მატჩი სტუმართა გამარჯვებით, 118:96 დამთავრდა.
მასპინძელთა მხრიდან საუკეთესო ჯელ ემბიდი გახლდათ, რომელმაც 19 ქულა, 9 მოხსნა, 2 შედეგიანი გადაცემა, 3 ჩაჭრა და 1 დაფარება დააგროვა.
"ჯაზის" რიგებიდან დონოვან მიტჩელმა გუნდს 22 ქულა, 1 მოხსნა, 6 შედეგიანი გადაცემა და 2 ჩაჭრა შესძინა.
რუდი გობერმა აქტივში 17 ქულა, 21 მოხსნა, 1 შედეგიანი გადაცემა და 2 დაფარება ჩაიწერა.
ამრიგად, "იუტა" 18 გამარჯვებითა და 7 მარცხით დასავლეთ კონფერენციაში მე-3 ადგილზე იმყოფება, მომდევნო შეხვედრას კი
12 დეკემბერს, "ვაშინგტონ ვიზარდსის" წინააღმდეგ გამართავს.
"ფილადელფია" 14 მოგებითა და 12 წაგებით აღმოსავლეთში მე-7 პოზიციაზე იმყოფება, შემდეგ მატჩს კი იმავე 12 დეკემბერს, "გოლდენ სტეიტ უორიორსის" პირისპირ ჩაატარებს.
"მემფის გრიზლმა" "ლოს ანჯელეს ლეიკერსს" უმასპინძლა და 108:95 დაამარცხა.
მასპინძელთა შემადგენლობიდან ჯარენ ჯექსონ ჯუნიორმა 25 ქულა, 5 მოხსნა და 3 ჩაჭრა დააგროვა.
კალიფორნიელების რიგებიდან კი ლებრონ ჯეიმსმა გუნდს 20 ქულა, 10 მოხსნა, 11 შედეგიანი გადაცემა, 4 ჩაჭრა და 2 დაფარება შესძინა.
ამრიგად, "გრიზლი" 15 გამარჯვებითა და 11 წაგებით დასავლეთ კონფერენციაში მე-4 ადგილს იკავებს, შემდეგ მატჩს კი 12 დეკემბერს, "ჰიუსტონ როკეტსის" პირისპირ ჩაატარებს.
"ლოს ანჯელეს ლეიკერსი" 13 მოგებითა და 13 მარცხით იმავე დასავლეთში მე-7 პოზიციაზე იმყოფება, მომდევნო შეხვედრას კი ხვალ, 11 დეკემბერს, "ოკლაჰომა სითი თანდერის" წინააღმდეგ გამართავს.
"სან ანტონიო სპურსმა" "დენვერ ნაგეტსს" უმასპინძლა და 123:111 დაამარცხა.
მასპინძელთა შემადგენლობიდან საუკეთესო დერიკ უაითი გახლდათ, რომელმაც თავი 23 ქულით, 6 მოხსნით, 4 შედეგიანი გადაცემით, 1 ჩაჭრითა და 2 დაფარებით გამოიჩინა.
"ნაგეტსის" მხრიდან ნიკოლა იოკიჩმა გუნდს 22 ქულა, 13 მოხსნა, 10 შედეგიანი გადაცემა, 2 ჩაჭრა და 1 დაფარება შესძინა.
კარგი მატჩი ჩაატარა აარონ გორნონმაც, რომელმაც 25 ქულა, 6 მოხსნა, 3 შედეგიანი გადაცემა და 1 დაფარება მიითვალა.
ამრიგად, ტეხასელები 9 მოგებითა და 15 წაგებით დასავლეთ კონფერენციაში მე-12 ადგილს იკავებენ.
"დენვერი" 12 გამარჯვებითა და 13 მარცხით იმავე დასავლეთში მე-8 პოზიციაზე იმყოფება.
ეს გუნდები 12 დეკემბერს კვლავ ერთმანეთს დაუპირისპირდებიან.
![alt](/pictures/image50/27b18b7c1a28f405bb100a4160bf1263.jpg "ჯეიმსის დიდი მონდომება საკმარისი არ აღმოჩნდა - "მემფისი" მშვენივრად გამოიყურება [VIDEO]")
გოგა აქტიურად ჩაერთო! იოკიჩის შესანიშნავი თამაში [VIDEO]
