ნაციონალურ საკალათბურთო ასოციაციაში მორიგი შეხვედრები გაიმართა.
"ფილადელფიამ" "ლოს ანჯელეს ლეიკერსს" უმასპინძლა და 105:87 დაამარცხა.
მასპინძელთა შემადგენლობიდან საუკეთესო ჯოელ ემბიდი გახლდათ, რომელმაც თავი 26 ქულით, 9 მოხსნით, 7 შედეგიანი გადაცემით, 1 ჩაჭრითა და 2 დაფარებით გამოიჩინა.
ტობიას ჰარისმა აქტივში 23 ქულა, 5 მოხსნა, 4 შედეგიანი გადაცემა და 2 ჩაჭრა ჩაიწერა.
კალიფორნიელების რიგებიდან მატჩი ლებრონ ჯეიმსმა გამოტოვა, მის არყოფნაში კი გუნდს ენტონი დევისმა ულიდერა, რომელმაც 31 ქულა, 12 მოხსნა, 1 შედეგიანი გადაცემა, 2 ჩაჭრა და 4 დაფარება დააგროვა.
რასელ უესტბრუქმა 20 ქულა,
4 მოხსნა, 3 შედეგიანი გადაცემა, 1 ჩაჭრა და ამდენივე დაფარება მიითვალა.
ამრიგად, "ფილადელფია" 29 მოგებითა და 19 წაგებით აღმოსავლეთ კონფერენციაში მე-5 ადგილზე იმყოფება. მომდევნო შეხვედრას 30 იანვარს, "საკრამენტო კინგსის" წინააღმდეგ გამართავს.
"ლეიკერსი" 24 გამარჯვებითა და 25 მარცხით დასავლეთში მე-9 პოზიციას იკავებს, შემდეგ მატჩს კი 29 იანვარს, "შარლოტ ჰორნეტსის" პირისპირ ჩაატარებს.
"გოლდენ სტეიტ უორიორსმა" "მინესოტა ტიმბერვულვზს" უმასპინძლა და 124:115 დაამარცხა.
მასპინძელთა რიგებიდან სტეფ კარიმ თავი 29 ქულით (6/10 სამქულიანი), 8 მოხსნით, 6 შედეგიანი გადაცემითა და 3 ჩაჭრით გამოიჩინა.
კლეი ტომპსონმა აქტივში 23 ქულა (5/9 სამქულიანი), 5 მოხსნა, 4 შედეგიანი გადაცემა და 1 დაფარება ჩაიწერა.
"მინესოტას" მხრიდან კარლ-ენტონი თაუნსმა გუნდს 31 ქულა, 12 მოხსნა, 6 შედეგიანი გადაცემა და 2 ჩაჭრა შესძინა.
ენტონი ედვარდსმა 27 ქულა, 6 მოხსნა, ამდენივე შედეგიანი გადაცემა და 2 დაფარება მიითვალა.
ამრიგად, "უორიორსი" 36 გამარჯვებითა და 13 წაგებით დასავლეთ კონფერენციაში მე-2 ადგილზე იმყოფება. შემდეგ მატჩს 30 იანვარს, "ბრუკლინ ნეტსის" წინააღმდეგ გამართავს.
"ტიმბერვულვზი" 24 მოგებითა და 24 წაგებით იმავე დასავლეთში მე-8 პოზიციას იკავებს. მომდევნო შეხვედრას 29 იანვარს, "ფინიქს სანსის" პირისპირ ჩაატარებს.
