ნაციონალურ საკალათბურთო ასოციაციაში მორიგი შეხვედრები გაიმართა.
"ჩიკაგო ბულზსი" "ინდიანა პეისერსს" ესტუმრა და 122:115 დაამარცხა.
მასპინძელთა შემადგენლობიდან სამწუხაროდ გოგა ბითაძე ტრავმის გამო მნიშვნელოვან შეხვედრებს ტოვებს, არადა მაილის ტერნერი დიდი ხანია ლაზარეთშია და ქართველს მშვენიერი შანსი ექნებოდა... თუმცა უიღბლობა... უფრო თვალსაჩინო რომ გახდეს, ტორი კრეიგმა დღევანდელ შეხვედრაში მოედანზე 39 წუთი გაატარა, ბითაძის ყოფნის პერიოდში კი უფრო მეტად ჩვენებური დაიტვირთებოდა, ტორიმ 5 ქულა, 6 მოხსნა და 2 დაფარება მიითვალა. უნდა ითქვას, რომ დღევანდელი მატჩი ასევე დომანტას საბონისმაც გამოტოვა, ლიეტუველი ვარსკვლავის არყოფნაში კი გოგა
და ტორი მაქსიმალურად დიდ დროს გაატარებდნენ მოედანზე...
საუკეთესო კარის ლევერტი გახლდათ, რომელმაც თავი 42 ქულით (19/26), 5 მოხსნითა და 8 შედეგიანი გადაცემით გამოიჩინა.
"ჩიკაგოს" მხრიდან ნიკოლა ვუჩევიჩმა კრეიგი აშკარად დაჩაგრა, მონტენეგროელმა სპორტსმენმა 36 ქულა (16/21), 17 მოხსნა, 4 შედეგიანი გადაეცმა და 3 დაფარება დააგროვა.
დემარ დეროუზანმა გუნდს 31 ქულა, 5 მოხსნა, 7 შედეგიანი გადაცემა, 1 ჩაჭრა და ამდენივე დაფარება შესძინა.
ამრიგად, "პეისერსი" 19 გამარჯვებითა და 35 მარცხით აღმოსავლეთ კონფერენციაში მე-13 ადგილზე იმყოფება, შემდეგ შეხვედრას 7 იანვარს, "კლივლენდ კავალიერსის" წინააღმდეგ გამართავს.
"ბულზსი" 33 მოგებითა და 19 წაგებით იმავე აღმოსავლეთს ლიდერობს, მომდევნო ტურში (ასევე 7 იანვარს) კი "ფილადელფიას" შეხვდება.
"დალას მავერიკსმა" "ფილადელფიას" უმასპინძლა და 107:98 დაამარცხა. შეხვედრის მიმდინარეობისას ფარი დაზიანდა, რის გამოც დაპირისპირება გარკვეული პერიოდით გადაიდო.
მასპინძელთა მხრიდან ლუკა დონჩიჩმა გუნდს 33 ქულა, 13 მოხსნა, 15 შედეგიანი გადაცემა და 2 ჩაჭრა შესძინა.
რეჯი ბულოკმა აქტივში 20 ქულა და 4 მოხსნა ჩაიწერა.
"ფილადელფიას" მხრიდან ჯოელ ემბიდმა თავი 27 ქულით, 13 მოხსნით, 4 შედეგიანი გადაცემით, 2 ჩაჭრითა და 3 დაფარებით გამოიჩინა.
ამრიგად, "დალასი" 30 გამარჯვებითა და 23 წაგებით დასავლეთ კონფერენციაში მე-5 ადგილზე იმყოფება, შემდეგ მატჩს 7 თებერვალს, "ატლანტა ჰაუქსის" წინააღმდეგ ჩაატარებს.
"ფილა" 31 მოგებითა და 21 მარცხით აღმოსავლეთში მე-5 პოზიციას იკავებს, მომდევნო შეხვედრას კი იმავე 7 თებერვალს, "ჩიკაგო ბულზსის" პირისპირ გამართავს.
"ინდიანას" მწვრთნელის უცნაური გადაწყვეტილება! რაღაც უნდა შეიცვალოს! (ანალიზი)
