ფოტო: fb.com/ZazaPachuliaBasketballAcademy/
საქართველოს NBA-ს ლეგენდა დირკ ნოვიცკი სტუმრობს. იგი ფაჩულიას მოწვევით ჩვენს ქვეყანაში ოჯახთან ერთად დასასვენებლად ჩამოვიდა.
3 აგვისტოს კი ზაზა ფაჩულიას აკადემიას ესტუმრა და ბავშვებს საკუთარი კარიერის რამდენიმე საინტერესო დეტალი უამბო, მათ შეკითხვებზეც უპასუხა და ვიდრე საქმე ავტოგრაფებამდე მივიდოდა, უზარმაზარი ტორტი გაჭრა. ტორტს ზედ დირკი და ზაზა ეხატა.
ბოლოს კი ჟურნალისტებისთვისაც მოიცალა:
"რამდენიმე დღეა, საქართველოში ვარ. ზაზა დიდებული მასპინძელია, ქართველი ხალხიც ძალიან თბილი და კეთილმოსურნეა, დიდი გული აქვს.
ამერიკაში ზაზა ფაჩულია ბევრს მიამბობდა
ზაზა ძალიან ბევრს აკეთებს თავისი ქვეყნისთვის, მას ბევრი პროექტი აქვს, რომლებზეც ხშირად მიზიარებს საკუთარ მოსაზრებას. ძალიან ეხმარება ბავშვებს. დიდი გული აქვს.
მადლობა თქვენ, ყველა ქართველს ჩემი თბილად მიღებისთვის", - აღნიშნა ნოვიცკიმ.
წყარო: lelo.ge
!["2+1" - რა ფოტოს აქვეყნებს ფაჩულია "გოლდენ სტეიტის" მორიგი ჩემპიონობის შემდეგ [PHOTO]](/pictures/image7/18d55b767c968851e93dbc58de20707b.jpg "\"2+1\" - რა ფოტოს აქვეყნებს ფაჩულია \"გოლდენ სტეიტის\" მორიგი ჩემპიონობის შემდეგ [PHOTO]")
კაცი შეაგინებს, არ უნდა მ---ნა? რამდენს ლანძღავდნენ თუ გახსოვთ, ბოლოს რომ ისე მაგრად ვეღარ თამაშობდა ნაკრებში, არადა ჩვენი ნაკრები თუ არის ამჟამად ანგარიშგასაწევი ძალა, უდიდესია ზაზას წვლილი ამაში, როგორ ჩამორბოდა ამერიკიდან, რომ ჩვენი ნაკრები შეეკრა ერთ მუშტად და თვითრწმენა ჩაენერგა ახლებისთვის! ზაზა არის დიდი ქართველი და მორჩა!!!