ინტერვიუში, რომელიც გერმანულ ჟურნალ "11 ფროინდე" ("11 მეგობარი") გამოქვეყნდა, პელე საინტერესო მოსაზრებებს გამოთქვამს ზოგადად მუნდიალსა და არგენტინის ნაკრებზე, რომელსაც მისი ისტორიული "მტერი" დიეგო მარადონა წვრთნის. აი, ფრაგმენტი ამ ინტერვიუდან:
"მარადონასთან არანაირი პრობლემა არ მაქვს. უბრალოდ, ვფიქრობ, ის ცუდი მწვრთნელია. მისი ცხოვრების წესი არავისთვისაა სამაგალითო და შესაბამისად, ასეთი ადამიანების ხელში
შემდეგ მას შეახსენებენ, რომ მარადონას გუნდი მეოთხედფინალშია: "ეს იმიტომ, რომ არგენტინის ნაკრებს მსოფლიო დონის ვარსკვლავები ჰყავს, რომლებიც მწვრთნელის გარეშეც მიაღწევენ წარმატებას. ყველაფერს რომ თავი დავანებოთ, მათ ლიონელ მესი ჰყავთ, რომელიც მეტოქის მცველების ყურადღებას იქცევს და ამით სხვა, ასევე არანაკლებ ვარსკვლავებს თავისუფალ სივრცეებს უქმნის".
საინტერესოა პელე აზრი არგენტინის ნაკრების მეტოქე გერმანიაზე: "აშკარად ჩანს, რომ ბოლო წლებში გერმანულმა ფეხბურთმა ძალიან დიდი პროგრესი განიცადა. გერმანიის ნაკრებმა ორი წლის წინ გამართულ ევროპის ჩემპიონატზეც ძალიან კარგი, შემტევი და სანახაობრივი ფეხბურთი ითამაშა. ახლა კი, ბუნდესგუნდში საერთოდ ახალი და ყველასათვის უცნობი ფეხბურთელები ბრწყინავენ. მაგალითად, იოზილი და კიდევ ის, რა ჰქვია?"...
პელეს შეახსენეს თომას მიულერი: "დიახ, "ბაიერნში" რომ თამაშობს, იმ მიულერს ვგულისხმობ. იცით, რომელ ფეხბურთელებს მაგონებენ იოზილი და მიულერი? ოვერატს და ლიტბარსკის. მათ დრიბლიორობაც შეუძლიათ, შესანიშნავი პასების ჩამორიგებაც და შეტევების დაგვირგვინებაც. მოკლედ, გერმანიის ნაკრების თამაშის ყურება დიდ სიამოვნებას მანიჭებს".
პელეს სრული ინტერვიუ წაიკითხეთ "ლელოს" ხვალინდელ ნომერში
