3 ივლისი. იოჰანესბურგი. "ელის პარკი". 55 359 მაყურებელი.
პარაგვაი-ესპანეთი 0:1
პარაგვაი (5-3-2): ვილარი - ვერონი, და სილვა, კასერესი (84. ბარიოსი), ალკარასი, მორელი - სანტანა, ბარეტო (64. ვერა), რივეროსი - ვალდესი (72. სანტა კრუსი), კარდოსო.
ესპანეთი (4-4-2): კასილასი - ს. რამოსი, პიკე, პუიოლი (84. მარჩენა), კაპდევილა - ინიესტა, ბუსკეტსი, ჩავი, ჩაბი ალონსო (75. პედრო) - ვილია, ტორესი (56. ფაბრეგასი).
გოლები: 0:1 ვილია (83)
შენიშვნა: კარდოსომ (59) ვერ გაიტანა პენალტი (მეკარე), ჩაბი ალონსომ (62) ვერ გაიტანა პენალტი (მეკარე).
გაფრთხილება: პიკე (57), ალკარასი (59),
მატჩი დაიწყო: პარაგვაი; დარტყმა: 9-16 (4-6); ჯარიმა: 24-11; კუთხური: 1-7; ბურთის ფლობა: 41%-59%.
არბიტრი: კარლოს ბატრესი (გვატემალა)
საინტერესო მომენტები
29' - ჩავიმ ბრწყინვალედ დაარტყა საჯარიმოს მისადგომიდან, ბურთი ოდნავ გადაცდა ვილარის კარს. ეს იყო ესპანელთა ერთადერთი საგოლე მომენტი პირველ ტაიმში.
41' - გადაცემის მომენტში კარდოსო თამაშგარე მდგომარეობაში იყო, რის გამოც არბიტრმა ვალდესს გოლი არ ჩაუთვალა.
58' - საჯარიმოში ჩაწოდებისას პიკემ ხელით დაიჭირა კარდოსო, მსაჯმა პენალტი უყოყმანოდ დანიშნა.
59' - კარდოსოს დარტყმული პენალტი კასილასმა აიღო.
59' - დავიდ ვილია ალკარასმა წააქცია, მორიგი პენალტი.
60' - ჩაბი ალონსომ პენალტი გაიტანა, მაგრამ მსაჯმა თავიდან დარტყმა ბრძანა, რადგან ესპანელები საჯარიმოში დარტყმამდე შევარდნენ.
62' - განმეორებითი დარტყმული კი ვილარმა მოიგერია, ბურთთან პირველი ფაბრეგასი მივიდა, რომელსაც ფეხებში ჩაუვარდა ვილარი, ბურთი კარისკენ სერხიო რამოსმა გაგზავნა, მაგრამ ამჯერად მცველებმა მოიგერიეს.
63' - ინიესტას დარტყმული მეკარემ მოიგერია.
83' - ინიესტა კარგად შეიჭრა საჯარიმოში, პასი პედროს გადააწოდა, რომელმაც ძელს მოარტყა, ვილიამ დაამატა - ძელს მოხვდა და კარში ისე შევარდა.
89' - ბარიოსის დარტყმული ცუდად მოიგერია კასილასმა, თუმცა მან ფეხით აუღო ახლო მანძილიდან სანტა კრუსს.
90' - ვილიას დარტყმული მეკარემ აიღო.
საინტერესო მომენტები
29' - ჩავიმ ბრწყინვალედ დაარტყა საჯარიმოს მისადგომიდან, ბურთი ოდნავ გადაცდა ვილარის კარს. ეს იყო ესპანელთა ერთადერთი საგოლე მომენტი პირველ ტაიმში.
41' - გადაცემის მომენტში კარდოსო თამაშგარე მდგომარეობაში იყო, რის გამოც არბიტრმა ვალდესს გოლი არ ჩაუთვალა.
57' - საჯარიმოში ჩაწოდებისას პიკემ ხელით დაიჭირა კარდოსო, მსაჯმა პენალტი უყოყმანოდ დანიშნა.
59' - კარდოსოს დარტყმული პენალტი კასილასმა აიღო.
59' - დავიდ ვილია ალკარასმა წააქცია, მორიგი პენალტი.
60' - ჩაბი ალონსომ პენალტი გაიტანა, მაგრამ მსაჯმა თავიდან დარტყმა ბრძანა, რადგან ესპანელები საჯარიმოში დარტყმამდე შევარდნენ.
62' - განმეორებითი დარტყმული კი ვილარმა მოიგერია, ბურთთან პირველი ფაბრეგასი მივიდა, რომელსაც ფეხებში ჩაუვარდა ვილარი, ბურთი კარისკენ სერხიო რამოსმა გაგზავნა, მაგრამ ამჯერად მცველებმა მოიგერიეს.
63' - ინიესტას დარტყმული მეკარემ მოიგერია.
83' - ინიესტა კარგად შეიჭრა საჯარიმოში, პასი პედროს გადააწოდა, რომელმაც ძელს მოარტყა, ვილიამ დაამატა - ძელს მოხვდა და კარში ისე შევარდა.
89' - ბარიოსის დარტყმული ცუდად მოიგერია კასილასმა, თუმცა მან ფეხით აუღო ახლო მანძილიდან სანტა კრუსს.
90' - ვილიას დარტყმული მეკარემ აიღო.
სახალისო სტატისტიკა
დავიდ ვილია: კარისკენ 4 დარტყმა, კარში - 2, ერთი გოლი; 4 სოლორეიდი; 31-დან 17 ზუსტი პასი; გაირბინა 8 071 მეტრი.
ყველაზე მეტი პასი: ჩავი (96)
ყველაზე მეტი ზუსტი პასი: ჩავი (76)
ყველაზე მეტი ჩაწოდება: ჩავი (5)
ყველაზე მეტი გაირბინა: ჩავი (10 989 მ)
ყველაზე სწრაფი: ვალდესი (28,67 კმ?სთ)
ესპანეთის ნაკრები ისტორიაში პირველად გავიდა მუნდიალის ნახევარფინალში. დავიდ ვილიას ერთადერთი გოლის წყალობით "ფურია როხამ" დაამარცხა პარაგვაის ნაკრები და გერმანიის ნაკრებთან ნახევარფინალური რანდევუ დაიბევა. 7 ივლისს დურბანში ევრო-2008-ის ფინალის რემატჩია და თუკი ვისენტე დელ ბოსკეს გუნდი არ გამოფხიზლდება გერმანელები ათმაგად იძიებენ შურს ესპანელებზე, მით უმეტეს, რომ დურბანი ესპანელებს ცუდად ახსოვთ...
ხერარდო მარტინომ მოულოდნელი გადაწყვეტილება მიიღო, როცა ფორვარდთა პირველ დუეტად მიჩნეული სანტა კრუსი-ბარიოსის წყვილი სკამზე დასვა და მათ ნაცვლად ვალდესი და კარდოსო ათამაშა. "სიურპრიზი" დელ ბოსკემაც შემოგვთავაზა - მისმა გუნდმა უნიათო ფეხბურთი ითამაშა, ასეთი თამაშით გუნდი არ იმსახურებდა ნახევარფინალის საგზურს, მაგრამ კიდევ უფრო ცუდი იყო პარაგვაი, რომელიც ნამდვილ ანტიფეხბურთს თამაშობდა. პირველი ტაიმის განმავლობაში ესპანეთის ნაკრებს კარში ზუსტად არ დაურტყია! მეტიც, პირველად ასეთი დარტყმა გუნდმა პენალტის ნიშნულიდან განახორციელა 62-ე წუთზე და ისიც ვერ გაიტანა.
თამაშის 57-ე წუთიდან იყო ხუთწუთიანი საოცარი მონაკვეთი, რომელმაც მანამდე ძალზე უსახური თამაში გამოაცოცხლა, პენალტი ზედიზედ დაინიშნა ჯერ ევროპელთა, შემდეგ კი სამხრეთამერიკელთა კარში. ორივეჯერ მეკარეებმა იყოჩაღეს, თუმცა თუკი კასილასმა კარდოსოს პირველივე ცდაზე აუღო, ვილარმა ჩაბი ალონსოს ხელმეორედ შესრულებული თერთმეტრმეტრიანი მოიგერია. საინტერესოა, რატომ დაარტყმევინა თავიდან ჩაბი ალონსოს გვატემალელმა არბიტრმა, თუკი მსგავსი დარღვევა პირველი პენალტის შესრულებისასაც ვიხილეთ, ხოლო რატომ არ დანიშნა პენალტის დამატებაზე ფაბრეგასის წინააღმდეგ ვილარის უხეშობისთვის კიდევ ერთი პენალტი, გაუგებარია. საკვირველია, ფიფას ეს ამოჩემებაც, უმნიშვნელოვანეს მატჩებში არასაფეხბურთო ქვეყნებიდან უცნობი არიბტრების დანიშვნა - ესპანეთი-პარაგვაის გვატემალელი ბატრესი სჯიდა.
სიტუაცია მას შემდეგ გამოსწორდა ესპანელთათვის, რაც ინიესტა ათამაშდა და მისი შეჩერება ერთ ეპიზოდში ვეღარ მოახერხეს პარაგვაელებმა, "ბარსელონელის" სოლოგარღვევას მოჰყვა დავიდ ვილიას გოლიც. ამ ეპიზოდში ბურთმა სამჯერ მოასწრო ძელთან შეხება, სანამ ის ვილარის კარში გავიდა.
მატჩის საუკეთესო ფეხბურთელი
დავიდ ვილია
ფიფას ოფიციალურმა საიტმა ანდრეს ინიესტა გამოარჩია, მან მართლაც კარგად ითამაშა მეორე ტაიმში, მაგრამ გადამწყვეტი მაინც ვილიას დარტყმა იყო. "ელ გუახემ" ტურნირზე მე-5 გოლი გაიტანა და ბომბარდირთა დავაში დაწინაურდა. ის პირველი ესპანელია, რომელმაც ზედიზედ ოთხ მატჩში (მუნდიალებზე) გოლი გაიტანა და 2002 წლის მერე პირველი ფეხბურთელი (რონალდოსა და რივალდოს შემდეგ). ვილიას გოლმა ესპანეთის ნაკრები ნახევარფინალში გაიყვანა და საუკეთესოს წოდებაც მას ეკუთვნის.
მატჩის შემდეგ
ხერარდო მარტინო (პარაგვაის ნაკრების მწვრთნელი): "ისეთი თამაში იყო, რომლის მოგებაც შეგვეძლო. ახლა კი ყველაფერი საკუთარ თავებს უნდა დავაბრალოთ. შანსები გვქონდა, მაგრამ ვერ გამოვიყენეთ, ხოლო ესპანეთმა გაიტანა. ბედი ჩვენს წინააღმდეგ იყო დღეს".
იკერ კასილასი (ესპანეთი): "პენალტის წინ ჩემთან პეპე რეინა მოვიდა და მიჩურჩულა, თუ რომელ კუთხეში აპირებდა დარტყმას კარდოსო. პეპე ძალიან მაგარია, ამიტომაც ვუძღვენი აღებული პენალტი მას".
