ფერნანდო ტორესი მიიჩნევს, რომ გერმანიის ნაკრებთან ნახევარფინალური მატჩი მისი გუნდისთვის ფინალის ტოლფასია. ფიფას ოფიციალურ საიტს მან განუცხადა, რომ დიდი იმედით ელის ევრო-2008-ის ფინალის გამეორებას. შეგახსენებთ, რომ "ელ ნინიომ" იმ მატჩის ერთდაერთი გოლი გაიტანა და "ლა როხას" ბოლო 44 წლის განმავლობაში პირველი ტიტული მოუპოვა.
- ძალიან ამაყი ვარ, ეს ხომ პირველი ნახევარფინალია ჩემი ქვეყნისთვის. მოკლედ, ჩვენმა გუნდმა კვლავ დაწერა ესპანური ფეხბურთის ისტორიის ახალი ფურცელი. იმედი მაქვს, რომ უკეთესი კიდევ წინ გვაქვს. ჩვენ შეგვიძლია მოვუმატოთ და უკეთ ვითამაშოთ, ამის რესურსი ნამდვილად გვაქვს.
- დიდებული მატჩი გველის გერმანიის წინააღმდეგ. ეს იქნება ფინალი. ჩვენ კარგად ვიცნობთ მეტოქეს. ჩვენი ნაკრები ძალიან შემტევი გუნდია, მეტოქე კი ამ ტურნირზე ყველაზე კარგად მოთამაშე გუნდი.
- გერმანიის ნაკრებიც შესანიშნავად უტევს...
- მათ 4-4 გოლი გაიტანეს მერვედფინალში და მეოთხედფინალში, მათი შეტევები ძალზე საშიშია. მაგრამ ჩვენ ჩვენი შანსები გვექნება გოლის გატანის. გერმანიის ნაკრები შეეცდება შეგვიტიოს, გაიტანოს და მოიგოს, ამიტომაც ჩვენ უფრო მეტი სივრცე გვექნება და შეიძლება "ავფეთქდეთ".
- თქვენ ჯერ კიდევ არ გაგიტანიათ გოლი, დავიდ ვილიამ კი უკვე ხუთჯერ გაიტანა ...
- ჩემთვის მთავარია, ესპანეთის ნაკრებმა გაიაროს გერმანული ბარიერი და თუ ასე მოხდა, მაგრამ გოლს ვერ გავიტან, ამაზე არ ვინაღვლებ. არ აქვს მნიშვნელობა, ვის გააქვს გოლი. კარგი იქნება, თუ შანსი მომეცემა და ამ შანსს გამოვიყენებ. დავიდი ძალიან მნიშვნელოვანი ფიგურაა ესპანეთის ნაკრებისათვის, უმთავრესი ფეხბურთელი. მას გააქვს მნიშვნელოვანი გოლები, რაც იმედს გვაძლევს, რომ მსოფლიოს ჩემპიონები გავხდებით.
- რჩებით თუ არა "ლივერპულში"?
- ჩემთვის ყველაზე მნიშვნელოვანი მოვლენა ახლა მუნდიალია, კიდევ ერთი კვირა სხვა რამეზე უბრალოდ ვერ ვიფიქრებ. დარწმუნებული ვარ, რომ მალე შევხვდები როი ჰოჯსონს და ბევრი რამ ამ შეხვედრაზე გაირკვევა.
17:14 05-07-2010
მთავარია მოვიგოთ და ვინ გაიტანს რა მნიშვნელობა აქვს
AutoSharing Option
მკითხველის კომენტარები / 0 /
მოწონებების მიხედვით
თარიღის მიხედვით
კომენტარი ჯერ არ გაკეთებულა.
გააკეთეთ კომენტარი
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას,სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
უძრავი ქონება
185000ლ
107.00 k
150.00 k
სიახლეები
პოპულარული
