რუსეთის ნაკრებმა თბილისში 27 აგვისტოს "ბორჯღალოსნებთან" დანიშნული ტესტ-მატჩის გამართვაზე უარი განაცხადა, რაც უსაფრთხოების გარანტიების არქონის მომიზეზებით ახსნა. აშკარაა, ეს "ზემოდან" ბრძანებით გააკეთეს, თორემ საქართველოს რაგბის კავშირთანაც ჩინებული ურთიერთობა აქვთ და მსოფლიოს თასის წინ სათამაშოდ საქართველოს ეროვნულ გუნდზე უკეთეს მეტოქეს ვერც იპოვიდნენ.
მათმა ფედერაციამ განაცხადა, რომ შეიძლებოდა საქართველოში სიცოცხლის საფრთხე შექმნოდათ, თუმცა რაგბის ფედერაციის უმაღლესი საბჭოს თავმჯდომარე იგორ არტემევი ცოტა ხნის წინ თბილისში ოჯახთან ერთად იმყოფებოდა და როგორც აღიარა, ძალიან კარგად უმასპინძლეს.
არტემევმა rugger.info-სთვის მიცემულ ვრცელ ინტერვიუში ქართულ გუნდებთან მომავალი შეხვედრების
შესახებაც ისაუბრა:
"კონტინენტური საკლუბო ლიგის პროექტიც ძალაში რჩება. ამ საკითხში რაგბი ევროპა მხარს გვიჭერს. ვვარაუდობ, 2020 წელს ტურნირი ოლიმპიური სისტემით გაიმართება, გამარჯვებისთვის კი საქართველოს, რუმინეთის, რუსეთის, გერმანიის და შესაძლოა, სხვა ქვეყნების კლუბებმა იბრძოლონ. აღორძინდება მოსკოვის და ქუთაისის, თბილისის გუნდების დაპირისპირების სახელოვანი ტრადიცია - ეს აუცილებლად მოხდება".
დაგვეთანხმებით, ალბათ, რუსეთის რაგბის ფედერაციის ამასწინანდელი განცხადება და მისი თავკაცის ნათქვამი ერთმანეთთან შეუსაბამობაში მოდის.
![alt](/pictures/image50/a55f67dd0becc32aea88ec3b7dba5917.jpg "რუს მორაგბეებს ქართველებთან თამაში თან ეშინიათ და თან "ვერ გველევიან"")
რუსეთის ხელისუფლების "რეკომენდაცია" შესრულებულია - მათი ნაკრები თბილისში არ ჩამოვა![alt](/pictures/image50/13ac0e2c6e94d618497192db0fa9b10f.jpg "რუს მორაგბეებს ქართველებთან თამაში თან ეშინიათ და თან "ვერ გველევიან"")
რუსები "ქართველ ექსტრემისტებს" უფრთხიან და რაგბის მატჩი სავარაუდოდ არ გაიმართება![alt](/pictures/image50/4785951c5c0b8a0beef2a5c2464b160d.jpg "რუს მორაგბეებს ქართველებთან თამაში თან ეშინიათ და თან "ვერ გველევიან"")
წარმოშობით ქართველი მამუკა ლოსაბერიძე საქართველოსა და ქართულ რაგბის აკრიტიკებს: ეს მათი ერთადერთი შანსია, თუნდაც რამეში დაგვამარცხონ
სანამ ჩელენჯ ქაფზე არ გვეყოლება სულ
მინიმუმ 1 გუნდი ყველაფერი წყლის ნაყვაა!!!!
ჩვენთან მეტი პოლიტიკური სიმტკიცეა საჭირო . საერთოდ აეკრძალოთ ჩამოსვლა რუსეთიდან მათ მოქალაქეებს. 520 დოლარიანი ტურისტი რომელიც სად დაზოგოს კაპიკები არ და ვერ იქნება ძირითადი მასა .