"მომხდარს აღვიქვამთ, როგორც მცირე გაუგებრობას"- ლიეტუვის რაგბის კავშირის წერილი

ლიეტუვის შვიდკაცა ნაკრები საქართველოში ყოფნისას მასპინძლობით უკმაყოფილო დარჩა, თუმცა მათი რაგბის კავშირის პრეზიდენტმა ირმანტას კუკულსკისისმა ოფიციალურ წერილში განაცხადა, რომ ეს გაუგებრობა იყო.

ლიეტუვის რაგბის კავშირის პრეზიდენტის, ირმანტას კუკულსკისის წერილი:

განცხადების ორიგინალი

სიტუაციის შეფასების შედეგად, მსურს ხაზი გავუსვა იმ გარემოებას, რომ ლიეტუვის და საქართველოს რაგბის ფედერაციები ყოველთვის იჩენდნენ ერთმანეთის მიმართ მხარდაჭერას და ჩვენ კვლავაც გავაგრძელებთ ჩვენს კარგ ურთიერთობას საქართველოს რაგბის კავშირთან, ვინაიდან ჩვენ ვართ სარაგბო თემის წევრები და ერთმანეთთან არა მარტო ჩვენი ქვეყნების მეგობრობა გვაკავშირებს, არამედ ეს შესანიშნავი თამაში – რაგბი.

ჩვენ არასდროს ვურევთ მეგობრობას და მჭიდრო თანამშრომლობას პოლიტიკასთან. ასე რომ, მომხდარს აღვიქვამთ, როგორც მცირე გაუგებრობას, რომელიც უკვე გავარკვიეთ და მოვაგვარეთ.

გმადლობთ თანამშრომლობისთვის და მეგობრობისთვის, რომელიც ასე მნიშვნელოვანია ჩვენი, ლიეტუვის რაგბის კავშირისთვის!

ვიმედოვნებთ, რომ მომავალში კიდევ უფრო მჭიდროდ ვითანამშრომლებთ და ერთობლივ პროექტებს განვახორციელებთ.

გულითადი პატივისცემით,
ირმანტას კუკულსკისი,