საქართველოს 7-კაცა მსოფლიო რაგბის ჩელენჯერის სერიის მეორე ეტაპზე ჯგუფში მადაგასკარისა და გერმანიის წინააღმდეგ ითამაშებს.მეორე ეტაპს პირველის მსგავსად სამხრეთ აფრიკა, კეიპტაუნი უმასპინძლებს. ჯგუფური ეტაპის თამაშები 7 მარტს, ხოლო ნახევარფინალები და ფინალები 8 მარტს გაიმართება.
ორი ეტაპის ჯამში 8 საუკეთესო გუნდი მესამე ეტაპის საგზურს მოიპოვებს, რომელსაც 11-12 აპრილს პოლონეთი, კრაკოვი უმასპინძლებს.
პირველ ეტაპზე საქართველომ სამიდან ერთი თამაში მოიგო და მე-11 ადგილი დაიკავა. ბესიკ ხამაშურიძისა და გია ლაბაძის შეგირდები 7 მარტს, 12:22 საათზე მადაგასკარს, ხოლო 15:43 საათზე გერმანიას ეთამაშებიან. პირველ ეტაპზე, ჯგუფში,
გერმანიას პირველი თამაში საქართველოსთან ჰქონდა და 31:0 გაიმარჯვა, მაგრამ აქ ერთი საინტერესო ამბავი მოხდა. მსაჯმა მე-5 წუთზე, როდესაც ანგარიში 0:0 იყო, დაშავებული ლუკა ალიბეგაშვილი წითელი ბარათით გააძევა, დარჩენილი დრო კაცნაკლული დაგვტოვა და ფაქტობრივად მატჩის ბედი გადაწყვიტა... ტურნირის დასრულების შემდეგ ეპიზოდი განიხილეს და ალიბეგაშვილს წითელი ბარათი მოუხსნეს. მიუხედავად ამისა, ლუკა, რომელსაც ტვინის შერყევა აქვს, მეორე ეტაპს გამოტოვებს.
რაც შეეხება გერმანიას, შემდგომში მან იაპონიას 26:14 მოუგო და თასის ნახევარფინალში გავიდა, სადაც კანადასთან 19:24 დამარცხდა, ბოლოს კი სამოას 19:14 სძლია და მესამე ადგილი დაიკავა.
სამხრეთ აფრიკის ჩელენჯერის მეორე ეტაპზე ითამაშებენ
ნიკოლოზ რეხვიაშვილი, ბექა გელხვიძე, ირაკლი სიმსივე, ლევან ნარიმანიძე, თემურ კოხოძე, სოსო მათიაშვილი, სერგი ჩხაიძე, ვაჟა მიქაძე, საბა არჩვაძე, გაგა ქევხიშვილი, გიორგი გამყრელიძე, გიორგი ჯობავა.
Rugby.ge
7-კაცა | მე-11 ადგილი პირველ ეტაპზე
როგორც თავის დროზე საფრანგეთიდან მოვიწვიეთ კლოდ სორელი და შემდეგ ზელანდიიდან მილტონ ჰეიგი, ასე უნდა მოხდეს შვიდკაცა რაგბშიც. ჯერ ვინმე კვალიფიციური უნდა მოივიყვანოთ, გვასწავლოს როგორ უნდა შვიდკაცა და მერე მოვა შედეგი. ჩილე, ესპანეთი, გერმანია და აღარ გავაგრძლებ ისეთმა ქვეყნებმა ისწავლეს შვიდკაცა რაგბი, ბურთი რომ მხოლოდ მრგვალი ეგონათ.
მეორე საკითხი კიდევ ის არის, რომ უფრო ძლიერი მორაგბეები უნდა გამოიძახონ ნაკრებში და არა თხუთმეტკაცა ნაკრებიდან დაწუნებებულები. მაგ: **********. ასევე, მეორე და მესამე ხაზელები კი არ უნდა მიყავდეთ, სირბილი ვისაც შეუძლია მინიმუმ 100 მეტრი 11 წამში ისეთები და ბოჭვა რომ არ ეზარებათ.
ფსიქოლოგიურადაც კარგი ნერვების ტიპები უნდა აარჩიონ, რომელიც მოედანზე ბოლომდე გაეკიდება მოწინააღმდეგეს და ცენტრში კი არა, კიდეზე დამიწებას აიძულებს, თვითონ კიდე ცენტრისკენ ეცდება ბურთის დადებას და არა კიდეზე.
ასეთ ტიპებს კი ყველაზე ნაკლები 5000 ლარი უნდა ჰქონდეთ ხელფასი და პრესტიჟი მოემატოს მოშვიდკაცეობას.
მოკლედ, მისახედია ეს საკითხი კვალიფიციურად.