მილტონ ჰეიგმა პორტუგალიასთან ირაკლი აბუსერიძე აღარ გამოიძახა

საქართველოს ნაკრები 25 თებერვალს ერთა თასის გათამაშების მორიგი ტურის მატჩში პორტუგალიის ეროვნულ გუნდს უმასპინძლებს. საქართველოს ნაკრების ახალზელანდიელმა მწვრთნელმა მილტონ ჰეიგმა საწვრთნელ შეკრებაზე, რომელიც ორშაბათიდან დაიწყება, 28 მორაგბეს უხმო.

ესპანეთთან მატჩისგან განსხვავებით, ამჯერად გუნდში გამოძახებულნი არიან პირველხაზელები ვასილ კაკოვინი, დავით ქუბრიაშვილი, რეზო ბელქანია. სავარაუდოდ, მეორე ხაზში ითამაშებს შალვა სუთიაშვილი. მესამე ხაზს დაემატა მამუკა გორგოძე და ვიქტორ კოლელიშვილი.

ცხრა ნომრის პოზიციაზე გამოძახებულთა შორის არ არის ირაკლი აბუსერიძე. პორტუგალიელებთან სათამაშოდ აქ ბიძინა სამხარაძე და გიორგი ბეგაძე მოემზადებიან.

არ გამოუძახიათ ასევე ფულბეკად მოთამაშე რეზო გიგაურიც. კვლავ არ არის ნაკრებში შუამარბი თედო ზიბზიბაძე.

საქართველოს ნაკრები
პირველი ხაზი: ვასილ კაკოვინი (ბრივი), დავით ქუბრიაშვილი, ლევან ჩილაჩავა (ორივე-ტულონი), რეზო ბელქანია (ლა სეინი), მიხეილ ნარიაშვილი (მონპელიე), შალვა მამუკაშვილი (ყოჩები).
მეორე ხაზი: კონსტანტინე მიქაუტაძე (ტულონი), ლევან დათუნაშვილი (ორიაკი), შალვა სუთიაშვილი (მასი).
მესამე ხაზი: გიორგი ჩხაიძე (სენ ჟუნიენი), მამუკა გორგოძე (მონპელიე), დიმიტრი ბასილაია (ვალანს დაჟენი), ვიქტორ კოლელიშვილი (კლერმონი), გიორგი კალმახელიძე (არმია), ბექა ბიწაძე (ბრივი), გივი ბერიშვილი (ლოკომოტივი).
#9 ბიძინა სამარაძე (არმია), გიორგი ბეგაძე (ბათუმი XV)
#10: მერაბ კვირიკაშვილი (სენ ჟუნიენი), ლაშა მალაღურაძე (ვალანსი).
#12-13: მერაბ შარიქაძე (აკადემია), დავით კაჭარავა (ნიცა),
#11-14: ირაკლი მაჩხანელი (სენტ ეტიენი), ალექსანდრე თოდუა (ლელო), გიორგი შკინინი, ირაკლი ჩხიკვაძე (ორივე-აკადემია).
#15: ირაკლი ყიასაშვილი (ლელო), ბექა წიკლაური (გდინია).

ერთა თასი 2012
თ მ ფ წ ბ ქ
1.რუმინეთი 1 1 0 0 +8 4
2.ესპანეთი 1 1 0 0 +7 4
3.რუსეთი 1 1 0 0 +1 4
4.პორტუგალია 2 0 0 2 -9 2
5.საქართველო 1 0 0 1 -7 1
6.უკრაინა 0 0 0 0 0 0

ორი წლის ჯამი
თ მ ფ წ ბ ქ
1.საქართველო 6 5 0 1 +126 23
2.რუმინეთი 6 4 0 2 +105 20
3.პორტუგალია 7 3 0 4 +6 16
4.რუსეთი 6 3 0 3 +3 15
5.ესპანეთი 6 3 0 3 -26 14
6.უკრაინა 5 0 0 5 -164 0

III ტური
25 თებერვალი
საქართველო-პორტუგალია, რუსეთი-რუმინეთი, უკრაინა-ესპანეთი.

ყოველდღიური სპორტული გაზეთი "ლელო"