"ბელგიის ნაკრებთან ძირითადად კანადის ეროვნულ ჩემპიონატში მოასპარეზე მოთამაშეებს გამოვცდით. მომდევნო თამაშებისთვის კი პროფესიონალი მორაგბეებიც შემოგვიერთდებიან. ყველაზე რთული მატჩი თბილისში, საქართველოს ნაკრებთან გველის. ამ გუნდს პირველად ჩერჩილის თასზე 2009 წელს შევხვდით და 42:10 მოვუგეთ. ვიცი,
კანადის ნაკრებმა წლეულს სამი შეხვედრა გამართა და სამივე ჩერჩილის თასის გათამაშებაში. "ნეკერჩხლის ფოთლებმა" ორი თამაში მოიგეს, ურუგვაისა და საფრანგეთის A ნაკრებებთან, ხოლო ფინალში ინგლისის A ნაკრებთან წააგეს.
საქართველოს ნაკრებს კანადელებთან ძველი ანგარიში აქვს გასასწორებელი. შარშან ჩერჩილის თასზე ჩვენების წარუმატებლობის შემდეგ კანადის ნაკრებმა მსოფლიო რეიტინგში ჩვენი ადგილი დაიკავა. ეს გუნდი ახალ მსოფლიო კლასიფიკაციაში 69,43 ქულით მე-14 ადგილზეა, საქართველოს ნაკრებს კი 66,38 ქულით მე-17 საფეხური უჭირავს.
კანადის ნაკრების მწვრთნელი კირან კროული ევროპული ტურნესთვის გუნდის შემადგენლობას ოქტომბრის ბოლოს დაასახელებს.
"ბორჯღალოსნების" შემდეგი მეტოქე 27 ნოემბერს აშშ-ის ნაკრები იქნება, რომელიც ევროპაში სამ შეხვედრას გამართავს. 13 ნოემბერს ამერიკელები ლისაბონში პორტუგალიის ეროვნულ გუნდს დაუპირისპირდებიან, ერთი კვირის თავზე კი შოტლანდიის A ნაკრებთან ითამაშებენ.
აშშ-ის ნაკრები მსოფლიო რეიტინგში 67,86 ქულით მე-15 ადგილზეა. "ბორჯღალოსნებმა" შარშან ჩერჩილის თასზე ამ გუნდთანაც წააგეს და, ცხადია, რევანშის აღებას მათთანაც ეცდებიან.
ნოემბრის ტესტები
30 ოქტომბერი
იაპონია-სამოა, ახალი ზელანდია-ავსტრალია
6 ნოემბერი
იაპონია-რუსეთი, ბელგია-კანადა, ინგლისი-ახალი ზელანდია, უელსი-ავსტრალია, ირლანდია-სამხრეთ აფრიკა
13 ნოემბერი
იტალია-არგენტინა, ინგლისი-ავსტრალია, ირლანდია-სამოა, უელსი-სამხრეთ აფრიკა, საფრანგეთი-ფიჯი, ესპანეთი-კანადა, პორტუგალია-აშშ, შოტლანდია-ახალი ზელანდია
19 ნოემბერი
უელსი-ფიჯი
20 ნოემბერი
იტალია-ავსტრალია, საქართველო-კანადა, შოტლანდია A- აშშ, ინგლისი-სამოა, შოტლანდია-სამხრეთ აფრიკა, ირლანდია-ახალი ზელანდია, საფრანგეთი-არგენტინა
27 ნოემბერი
საქართველო-აშშ, იტალია-ფიჯი, ინგლისი-სამხრეთ აფრიკა, შოტლანდია-სამოა, უელსი-ახალი ზელანდია, საფრანგეთი-ავსტრალია, ესპანეთი-ნამიბია, პორტუგალია-კანადა
28 ნოემბერი
ირლანდია-არგენტინა
4 დეკემბერი
ბარბაროსები-სამხრეთ აფრიკა
ყოველდღიური სპორტული გაზეთი
"ლელო"
