საქართველოს მორაგბეთა ნაკრები 2011 წლის ერთა თასის პირველი შეხვედრისთვის მზადებას განაგრძობს. "ბორჯღალოსნებმა" გუშინ "შევარდენის სანაკრებო ბაზაზე" ივარჯიშეს. მწვრთნელებმა რიჩი დიქსონმა, მაიკ ბრედლიმ, ჯონ მაგლტონმა და მარკ დიქსონმა მოკლე თათბირის შემდეგ გუნდი ტრადიციული მოთელვით დატვირთეს. წინა დღეს ფეხი იტკინა და არ ვარჯიშობდა "კასტრის" შერკინების ბურჯი ანტონ ფეიქრიშვილი. ის, სავარაუდოდ, უკრაინის ნაკრებთან არ ითამაშებს. როგორც ნაკრების ექიმებმა თქვეს, ანტონი ვარჯიშს ხვალიდან განაახლებს და 12 თებერვალს, ესპანეთის ნაკრებთან მწყობრში ჩადგება.
არ უვარჯიშია ასევე საქართველოს ნაკრების დებიუტანტ ბექა ურჯუკაშვილს (ფიჟაკი), რომელსაც დილით სიცხემ აუწია,
მოთელვის შემდეგ გუნდი ავსტრალიელმა დაცვის მწვრთნელმა ჯონ მაგლტონმა ჩაიბარა. ჯერ რაკში თამაშში, ბოჭვისას ბურთის სწორად ჩადებაში, რაკის უმალ გაწმენდასა და შეტევის სწრაფად გაგრძელებაში ავარჯიშა.
ეროვნული ნაკრების წევრებთან ერთად ვარჯიშში მონაწილეობას საქართველოს A ნაკრების რამდენიმე მორაგბეც იღებდა. მათი დახმარებით მაგლტონმა დაცვისას დროულ გადაწყობაში გამოწრთო ბიჭები.
ამის შემდეგ გუნდი ორად გაიყო. სავარაუდო ძირითადი შემადგენლობა უტევდა, თადარიგში მყოფნი და A ნაკრების მორაგბეები კი თავს იცავდნენ. თუ ვარჯიშის ამ ნაწილით ვიმსჯელებთ უკრაინის ნაკრებთან მატჩში საქართველოს ეროვნული გუნდის შემადგენლობა ასეთი იქნება:
15. ბესიკ ხამაშურიძე, 14. ირაკლი მაჩხანელი, 13. დავით კაჭარავა, 12. ირაკლი გიორგაძე, 11. ლექსო გუგავა, 10. მერაბ კვირიკაშვილი, 9. ბიძინა სამხარაძე. 1. დავით ხინჩაგიშვილი, 2. ირაკლი ნატრიაშვილი, 3. დავით ზირაქაშვილი, 4. ლევან დათუნაშვილი, 5. შალვა სუთიაშვილი, 6. გია ლაბაძე, 7. გიორგი ჩხაიძე, 8. ბესო უდესიანი.
16. ჯაბა ბრეგვაძე, 17. ვასილ კაკოვინი, 18. ვახტანგ მაისურაძე, 19. ზვიად მაისურაძე, 20. ირაკლი აბუსერიძე, 21. ლაშა მალაღურაძე, 22. ბექა ურჯუკაშვილი.
მერე შერკინება ბრედლიმ ჩაიბარა და დერეფანში თამაშის კომბინაციები დაახვეწინა. უკანახაზელები კი მაგლტონმა მოიხელთა და, ინდივიდუალურად, მეტოქის ბოჭვაში ავარჯიშა.
დღეს ეროვნულ ნაკრებს ვარჯიშისგან თავისუფალი დღე აქვს, ხვალ კი, მატჩის წინა დღეს, ვაკეში, "ლოკომოტივის" სტადიონზე ვარჯიშს კაპიტანი ჩაატარებს.
საქართველოს ნაკრები
პირველი ხაზი: ანტონ ფეიქრიშვილი (კასტრი), ვასილ კაკოვინი, დავით ხინჩაგიშვილი (ბრივი), ირაკლი ნატრიაშვილი (ფარული), დავით ზირაქაშვილი (კლერმონი), ჯაბა ბრეგვაძე (ვისოლი/ყოჩები).
მეორე ხაზი: ლევან დათუნაშვილი (ფიჟაკი), შალვა სუთიაშვილი (მასი), ვახტანგ მაისურაძე (სენ ნაზერი).
მესამე ხაზი: გია ლაბაძე (ლა სეინი), გიორგი ჩხაიძე (მონპელიე), ბესო უდესიანი (მაკონი), ზივიად მაისურაძე (ლოკომოტივი).
#9: ბიძინა სამხარაძე (ფარული), ირაკლი აბუსერიძე (ოსერი).
#10: ლაშა მალაღურაძე (ბეზიე), მერაბ კვირიკაშვილი (ფიჟაკი)
#12-13: დავით კაჭარავა (ნიცა), თედო ზიბზიბაძე (პერიგო), ირაკლი გიორგაძე (ლავორი).
#11-14: ლექსო გუგავა (ლელო), ირაკლი მაჩხანელი (მაკონი), ბექა ურჯუკაშვილი (ფიჟაკი).
#15: ბესიკ ხამაშურიძე (აია).
უკრაინის ნაკრები
ზურაბ კიკაჩეიშვილი, სერგეი იანჩიი, ვიტალი კრასნოდემსკი, მიკოლა ალექსანდრიუკი, ვიტალი ორლოვი (ყველა-კიევი), სერგეი მონასტირიოვი, დენის მასიუკოვი, ევგენი ჩაიკა, რუსლან რადჩუკი, პავლო მასიუკოვი, რომან კულაკივსკი, ოლექსეი ნოვოკრეშჩენოვი (ყველა-ოდესა), იგორ ლემკივსკი, ევგენი ზაპოლსკი, ოლექსანდრ დურნოვი, ბოგდან ვოლოშინი, ვლადისლავ გრაბოვსკი (ყველა-ლვოვი), ნაზარი ზოზულია (ხმელნიცკი), ოლექსანდრ გოლუბენკო, ოლეგ შევჩენკო (ორივე-ტირასპოლი), ივან ზალიზნიაკ, სერგეი გარკავი, დიმიტრო მანჟოსი, ოლექსანდრ ლომაკინი, მიკოლა კირსანოვი, მაქსიმ კრავჩენკო, ვიაჩესლავ კრასილნიკი, ოლექსანდრ ცაპენკო, სერგიი სუხიხი, ვიაჩესლავ პონომარენკო, სერგეი ცერკოვნი, ანდრეი გოლიშევი, ოლეგ კოსარევი (ყველა-ხარკოვი).
ერთა თასი
I ტური, 5 თებერვალი
საქართველო-უკრაინა, ესპანეთი-რუსეთი, პორტუგალია-რუმინეთი.
.
