კასტრელები "ჰეინეკენის" თასზე A ჯგუფში არიან და შინ "ემლინ ჩელენჯ კაპის" შარშანდელი გამარჯვებული და მიმდინარე ტურნირის ერთ-ერთი ფავორიტი, უელსური "კარდიფი" დაამარცხეს - 27:20. აღსანიშნავია, რომ ჩვნებურთა გუნდმა საქმე, ფაქტობრივად, პირველ ტაიმში მოათავა, მასპინძლებმა 21-ქულიანი უპირატესობა მოიპოვეს - 27:6.
შესვენების შემდეგ სტუმრები გააქტიურდნენ,
გიორგაძე სათადარიგოთა შორის იყო, თუმცა არ უთამაშია. ფეიქრიშვილი ტრავმირებულია.
ამავე ჯგუფში ინგლისურმა "ნორსჰემპთონმა" სტუმრად მოუგო შოტლანდიურ "ედინბურგს" - 31:27.
A ჯგუფი
კასტრი (საფ) - კარდიფი (უელ) 27:20, ედინბურგი (შოტ)-ნორსჰემპთონი (ინგ) 27:31
სატურნირო მდგომარეობა
ნორსჰემთონი - 8 ქულა, კასტრი - 5, კარდიფი - 5, ედინბურგი - 2
B ჯგუფში პირველი მარცხი განიცადა დავით ზირაქაშვილის "კლერმონმა". ჩვენებურის გუნდი სტუმრად დამარცხდა საფრანგეთის ჩემპიონატში უშუალო კონკურენტ "მეტრო რასინგთან" - 16:9. პარიზელები, როგორც ჩანს, "ვულკანებს" კონკურენციას "ჰეინეკენის" თასზეც გაუწევენ.
ზირაქაშვილი სათადარიგოთა შორის იყო და თამაშში 41-ე წუთიდან ჩაერთო.
ჯგუფში დაუმარცხებლად ირალნდიური "ლენსტერი" ლიდერობს, რომელმაც მეორე ტურში სტუმრად მოუგო ინგლისურ "სარასენზს" - 25:23.
B ჯგუფი
მეტრო რასინგი (საფ) - კლერმონი (საფ) 16:9, სარასენზი (ინგ) - ლენსტერი (ირლ) 23:25
C ჯგუფში დავით ქუბრიაშვილის "ტულონმა" დიდი ანგარიშით წააგო სტუმრად ირლანდიურ "მანსტერთან" - 18:45. აღსანიშნავია, რომ ტულონელებმა ანგარიში პირველივე წუთზე გახსნეს არგენტინელი ფელიპე კონტეპომის ლელოთი, რომელიც მან თავადვე გარდასახა. თუმცა მერე მთელი მატჩის განმავლობაში ირლანდიელბი დომინირებდნენ. მათ მეტოქეს ხუთი ლელო გაუტანეს, რისთვისაც ერთი საპრემიო ქულაც მიიღეს.
ქუბრიაშვილი სათადარიგოთა შორის იყო და თამაშში 67-ე წუთიდან ჩაერთო, ამ დროისთვის "ტულონი" 13:38-ს აგებდა.
ამავე ჯგუფში უელსურმა "ოსფრიზმა" შინ მოუგო ინგლისურ "ლონდონ აირიშს" - 27:16.
C ჯგუფი
მანსტერი (ირ) - ტულონი (საფ) 45:18, ოსფრიზი (უელ) - ლონდონ აირიში (ინგ) 27:16.
სატურნირო მდგომარეობა
მანსტერი - 6 ქულა, ოსფრიზი - 5, ლონდონ აირიში - 4, ტულონი - 4.
D ჯგუფი
აირონი (იტ) - ბასი (ინგ) 6:22, ბიარიცი (საფ) - ალსტერი (ირ) 21:14
სატურნირო მდგომარეობა
ბიარიცი - 8 ქულა, ბასი - 6, ალსტერი - 4, აირონი - 0
E ჯგუფი
პერპინიანი (საფ) - ბენეტონი (იტ) 35:14, ლესტერი (ინგ) - ჰლანეჰლი (უელ) 23:9
სატურნირო მდგომარეობა
ლესტერი - 9, პერპინიანი - 6, ჰლანეჰლი - 5, ბენეტონი -1
F ჯგუფი
ნიუპორტი (უელ) - ტულუზი (საფ) 19:42, ვოსფსი (ინგ) - გლაზგო (შოტ) 41:15
სატურნირო მდგომარეობა
ტულუზი - 8 ქულა, ვოსფსი - 5, გლაზგო - 4, ნიუპორტი - 0
"ემლინ ჩელენჯ კაპის" გათამაშებაში B ჯგუფში მოასპარეზე დავით ხინჩაგიშვილისა და ვასილ კაკოვინის "ბრივმა" სტუმრად სარეკორდო ანგარიშით 113:3 დაამარცხა ესპანური "ელ სალვადორი" . ჩვენებურებს არ უთამაშიათ.
"ბრივი" ათი ქულით ინგლისურ "სეილ შარქსთან" ერთად ჯგუფის ლიდერია. "ზვიგენებმა" სტუმრად დიდი ანგარიშით - 56:9 დაამარცხეს იტალიური "პადოვა".
B ჯგუფი
ელ სალვადორი (ესპ) - ბრივი (საფ) 3:113, პადოვა (იტ) - სეილ შარქსი (ინგ) 9:56
სატურნირო მდგომარეობა
ბრივი - 10 ქულა, სეილ შარქსი - 10, პადოვა - 0, ელ სალვადორი - 0
C ჯგუფში ყველაზე ქართულმა ფრანგულმა კლუბმა, მამუკა გორგოძის, გიორგი ჩხაიძის, გიორგი ჟღენტის, გოდერძი შველიძისა და მიხეილ ნარიაშვილის "მონპელიემ" შინ ინგლისური "ნიუკასლი" დაამარცხა - 32:8.
მონპელიელები ამ გამარჯვების შემდეგ ჩ ჯგუფს სათავეში ჩაუდგნენ. ამავე ჯგუფში საფრანგეთის ჩემპიონატის ერთ-ერთმა
აუტსაიდერმა, "ბურგუენმა" ინგლისურ "ექსეტერს" უმასპინძლა და 19:34 წააგო.
"ნიუკასლთან" მატჩში ჩხაიძემ სრულად ითამაშა, ჟღენტი ძირითად შემადგენლობაში იყო და 61-ე წუთზე შეცვალეს. გორგოძე, შველიძე და ნარიაშვილი განაცხადში არ იყვნენ.
C ჯგუფი
მონპელიე (საფ) - ნიუკასლი (ინგ) 32:8, ბურგუენი (საფ) - ექსეტერი (ინგ) 19:34
სატურნირო მდგომარეობა
მონპელიე - 8 ქულა, ექსეტერი - 5, ნიუკასლი - 4, ბურგუენი - 1.
E ჯგუფში ბექა შეყლაშვილის "აჟენი" სტუმრად დამარცხდა "ლა როშელთან" 23:30, რომელიც ჯგუფს ორი გამარჯვებით ლიდერობს. შეყლაშვილი ძირითად შემადგენლობაში იყო და მე-60 წუთზე შეცვალეს.
ამავე ჯგუფში ინგლისურმა "გლოსტერმა" შინ გაანადგურა "როვიგო" - 90:7.
E ჯგუფი
გლოსტერი (ინგ) - როვიგო (იტ) 90:7, ლა როშელი (საფ) - აჟენი (საფ) 30:23.
სატურნირო მდგომარეობა
ლა როშელი - 10 ქულა, გლოსტერი - 6, აჟენი - 5, როვიგო - 0
A ჯგუფი
ქონოთი (ირლ) - ბაიონი (საფ) 16:13, ჰარლიქუინზი (ინგ) - პრატო (იტ) 55:17
სატურნირო მდგომარეობა
ჰარლიქუინზი - 6 ქულა, ქონოთი - 5, ბაიონი - 5, პრატო - 4
D ჯგუფი
ბუქარესტი (რუმ) - კროკიატი (იტ) 20:19, ლიდსი (იტ) - სტად ფრანსე (საფ) 24:13.
სატურნირო მდგომარეობა
ლიდსი - 8 ქულა, სტად ფრანსე - 5, ბუქარესტი - 4, კროკიატი - 1
ამასობაში საფრანგეთის ჩემპიონატის ელიტურ, მეორე დივიზიონში მე-7 ტურის შეხვედრები გაიმართა. აქ ლიდერთა შორის ქართველ მორაგბეთა ორი გუნდია: "გრენობლი" და "ლიონი".
გიორგი მენაბდიშვილის "გრენობლმა" შინ იოლად დაამარცხა "კოლომიე" - 36:6. "ალპელები" ამ გამარჯვების შემდეგ 18 ქულით მეოთხე ადგილზე გადაბარგდნენ. მენაბდიშვილს არ უთამაშია.
გურამ კავთიძის "ლიონმა" სტუმრად წააგო უშუალო კონკურენტ "ორიაკთან" - 9:22 და სატურნირო ცხრილში მეორე საფეხური დაუთმო. კავთიძე განაცხადში არ იყო.
მამუკა მაგრაქველიძისა და ირაკლი მირცხულავას "ტარბი" შინ მინიმალური სხვაობით - 21:22 დამარცხდა "პოსთან". მაგრაქველიძე სათადარიგოთა შორის იყო და მოედანზე 52-ე წუთიდან გამოჩნდა. მირცხულავას არ უთამაშია.
საფრანგეთი. II დივიზიონი
VII ტური
მონ დე მარსანი-სენტ ეტიენი 60:10, ტარბი-პო 21:22, ნარბონი-კარკასონი 36:29, დაქსი-ექსი 14:30, ორიაკი-ლიონი 22:9, გრენობლი-კოლომიე 36:6, ოში-ოიონაქსი 18:15, ბორდო-ალბი 16:24
სატურნირო მდგომარეობა
1. ალბი - 30 ქულა, 2. ორიაკი - 22, 3. ლიონი - 22, 4. გრენობლი - 18, 5. ოიონაქსი - 17, 6. მონ დე მარსანი - 17, 7. პო - 17, 8. ბორდო - 16, 9. ტარბი - 16, 10. ოში - 15, 11. კარკასონი - 15, 12. ნარბონი - 14, 13. კოლომიე - 14, 14. ექსი - 12, 15. დაქსი - 10, 16. სენტ ეტიენი - 7.
