აქვსენტი გიორგაძისა და ანტონ ფეიქრიშვილის "კასტრი" A ჯგუფში ასპარეზობს და სამი ტურის შემდეგ 9 ქულით მეორე ადგილზეა. ამ ჯგუფში ორივე შეხვედრა გადაიდო. ევროთასების ორგანიზატორებს ჯერ არ დაუდგენიათ, დიდთოვლობის გამო ჩაშლილი შეხვედრები როდის უნდა გაიმართოს. მეტიც, მსგავსი ფორსმაჟორული
A ჯგუფი
ედინბურგი-კასტრი (გადაიდო), კარდიფი-ნორსჰემპთონი (გადაიდო)
სატურნირო მდგომარეობა
ნორსჰემპთონი - 12 ქულა, კასტრი - 9, კარდიფი - 5, ედინბურგი - 3.
B ჯგუფში დავით ზირაქაშვილის "კლერმონმა" სტუმრად წააგო ირლანდიურ "ლენსტერთან" - 8:24 და, მიუხდავად იმისა, რომ მეორე ადგილს მაინც ინარჩუნებს, საქმე გაირთულა. აღსანიშნავია, რომ პლეი ოფში გასვლის შანსი ოთხივე გუნდს აქვს. შესაბამისად, დარჩენილ ორ ტურში უმძიმესი ბრძოლებია მოსალოდნელი.
"ვულკანებთან" მატჩში ლენსტერელთა წარმატება შუამარბ ბრაიან ოდრისკოლის ბრწყინვალე თამაშმა განაპირობა, რომელიც გუნდს ტრავმის მოშუშების შემდეგ დაუბრუნდა. ზირაქაშვილი ძირითად შემადგენლობაში იყო და 72-ე წუთზე შეცვალეს.
ამავე ჯგუფში პარიზულმა "მეტრო რასინგმა" შინ წააგო ინგლისურ "სარასენზთან" - 14:19. მასპინძლებმა პირველ ტაიმში ძალიან ცუდად ითამაშეს და მშრალი ანგარიშით 0:16 დათმეს. პარიზელებმა მეორე ნახევარში მდგომარეობის გამოსწორება სცადეს, ტემპს მოუმატეს და ანგარიშში სხვაობის ორ ქულამდე შემცირება შეძლეს - 14:16. თუმცა მატჩის ბოლო წუთზე, სტუმართა მგეზავმა ოუენ ფორელმა საჯარიმოთი "მეტრო რასინგს" მატჩის გადარჩენის ყოველგვარი იმედი გადაუწურა.
B ჯგუფი
ლენსტერი-კლერმონი 24:8, მეტრო რასინგი-სარასენზი 14:19
სატურნირო მდგომარეობა
ლენსტერი - 14 ქულა, კლერმონი - 9, მეტრო რასინგი - 9, სარასენზი - 6.
C ჯგუფში ლიდერი დავით ქუბრიაშვილის "ტულონი" გახდა. ჩვენებურის გუნდმა შინ ინგლისური "ლონდონ აირიში" დაამარცხა - 38:17. თამაში ძალიან საინტერესო გამოდგა. მასპინძლებმა პირველ ტაიმში ორი ლელო გაიტანეს და მშრალი ანგარიშით 17:0 მოიგეს. ქუბრიაშვილმა ორივე სალელოვე შეტევაში აქტიური მონაწილეობა მიიღო. "დუდუ" შერკინებაშიც კარგად იდგა და ახლაზელანდიელ ვიზავის, კლერკ დერმოდის სერიოზულ პრობლემებს უქმნიდა.
მეორე ტაიმის საწყის ოც წუთში ტულონელებს "ჩაეძინათ". ინიციატივას მთლიანად ლონდონელები დაეუფლნენ და ანგარიშის გათანაბრება შეძლეს - 17:17. მასპინძლები ამ უეცარმა ალიყურმა უმალ გამოაფხიზლა და დასკვნით ოც წუთში ვითარების გამოსწორება შეძლეს. "ტულონმა" მეტოქეს კიდევ ორი ლელო გაუტანა, რისთვისაც ერთი საპრემიო ქულაც მიიღო.
ქუბრიაშვილი ძირითად შემადგენლობაში იყო და 66-ე წუთზე შეცვალეს.
ამავე ჯგუფში უელსურმა "ოსფრიზმა" შინ ირალნდიური "მანსტერი" დაამარცხა - 19:15 და ლიდერობა დააკარგვინა.
C ჯგუფი
ტულონი-ლონდონ აირიში 38:17, ოსფრიზი-მანსტერი 19:15
სატურნირო მდგომარეობა
ტულონი - 13 ქულა, მანსტერი - 11, ოსფრიზი - 10, ლონდონ აირიში - 5.
"ემლინ ჩელენჯ კაპის" გათამაშებაში A ჯგუფის ლიდერად ისევ დავით ხინჩაგიშვილისა და ვასილ კაკოვინის "ბრივი" რჩება. ჩვენებურთა გუნდის მატჩი სტუმრად, უშუალო კონკურენტ ინგლისურ "სეილ შარქსთან", დიდთოვლობის გამო გადაიდო. "ბრივს" 14 ქულა აქვს და პირველ ადგილზეა, ინგლისური კლუბი მას ოთხი ქულით ჩამორჩება.
ამავე ჯგუფში ესპანურმა "ელ სალვადორმა" შინ იტალიურ "პადოვას" მოუგო - 37:16.
B ჯგუფი
სეილ შარქსი-ბრივი (გდაიდო), ელ სალვადორი-პადოვა 37:16.
სატურნირო მდგომარეობა
ბრივი - 14 ქულა, სეილ შარქსი - 10, ელ სალვადორი - 5, პადოვა - 5.
C ჯგუფში მამუკა გორგოძის, გიორგი ჩხაიძის, გიორგი ჟღენტის, გოდერძი შველიძისა და მიხეილ ნარიაშვილის "მონპელიემ" სტუმრად წააგო "ბურგუენთან" - 18:36, თუმცა ლიდერობას მაინც ინარჩუნებს.
"მონპელიეს" ამ შეხვედრაში პირველად უკაპიტნა მამუკა გორგოძემ, რომელმაც სრულად ითამაშა. ასევე თავიდან ბოლომდე ითამაშეს ჩხაიძემ და შველიძემ, ჟღენტი ძირითად შემადგენლობაში იყო და 58-ე წუთზე შეცვალეს, ნარიაშვილი განაცხადში არ იყო.
ამავე ჯგუფში, ინგლისურ დერბიში "ნიუკასლმა" შინ მოუგო მეორეადგილოსან "ექსეტერს" - 26:24.
C ჯგუფი
ბურგუენი-მონპელიე 36:18, ნიუკასლი-ექსეტერი 26:24.
სატურნირო მდგომარეობა
მონპელიე - 13 ქულა, ექსეტერი - 11, ნიუკასლი - 8, ბურგუენი - 6.
E ჯგუფში ბექა შეყლაშვილის "აჟენმა" შინ იტალიური "როვიგო" გაანადგურა - 61:11 და სატურნირო ცხრილში პირველ ადგილზე გადაინაცვლა. შეყლაშვილმა ძირითად შემადგენლობაში ითამაშა და 54-ე წუთზე შეცვალეს.
ამავე ჯგუფში ინგლისურმა "გლოსტერმა" შინ მოუგო ფრანგულ "ლა როშელს" - 23:12.
E ჯგუფი
აჟენი-როვიგო 61:11, გლოსტერი-ლა როშელი 23:12
სატურნირო მდგომარეობა
აჟენი - 15 ქულა, გლოსტერი - 14, ლა როშელი - 11, როვიგო - 0.
საფრანგეთის სარაგბო ჩემპიონატის ელიტურ მეორე დივიზიონში მე-15 ტურის მატჩები გაიმართა. გათამაშების ერთ-ერთმა ლიდერმა გურამ კავთიძის "ლიონმა" შინ მშრალი ანგარიშით 37:0 მოუგო აუტსაიდერ "სენტ ეტიენს". კავთიძე განაცხადში არ იყო.
მამუკა მაგრაქველიძისა და ირაკლი მირცხულავას "ტარბმა" შინ სძლია "ორიაკს" - 28:21. მაგრაქველიძე თამაშში 61-ე წუთიდან ჩაერთო, მირცხულავას არ უთამაშია.
II დივიზიონი
ოიონაქსი-მონ დე მარსანი 15:9, ბორდო-ოში 28:23, კარკასონი-კოლომიე 32:9, ნარბონი-დაქსი 12:18, ალბი-ექსი 23:6, ტარბი-ორიაკი 28:21, ლიონი-სენტ ეტიენი 37:0, გრენობლი-პო 21:13.
სატურნირო მდგომარეობა
1. ალბი - 53 ქულა, 2. ლიონი - 49, 3. გრენობლი - 45, 4. კარკასონი -43, 5. ბორდო -42, 6. ტარბი - 37, 7. მონ დე მარსანი - 37, 8. ორიაკი - 37, 9. ოიონაქსი - 34, 10. პო - 33, 11. ნარბონი - 33, 12. ოში - 31, 13. კოლომიე - 27, 14. ექსი - 26, 15. დაქსი - 21, 16. სენტ ეტიენი - 11.
