რაგბი. ლეგიონი: ბიწაძისა და ნემსაძის ლელოები საფრანგეთსა და ინგლისში

AutoSharing Option
საფრანგეთის სარაგბო ჩემპიონატში გათამაშება ფედერალ 1 დივიზიონშიც დაიწყო. აქ, ისევე, როგორც გასულ სეზონში, ოთხი ჯგუფია, რომლებიდანაც სამში 10-10, ხოლო ერთში, A ჯგუფში 11 გუნდია. სწორედ ამიტომ გასულ უქმეებზე პირველი ტურის მატჩები მხოლოდ ამ ჯგუფში გაიმართა.

დავით დადუნაშვილის, გიორგი ხუდოევისა და კახაბერ კობერიძის "ტარბმა" სტუმრად სძლია ასტამურ იოსელიანისა და გიო სორდიას "სენ ნაზერს" - 27:13. ქართველთაგან მხოლოდ დადუნაშვილმა ითამაშა, რომელიც 41-ე წუთზე შეცვალეს.

ბექა ბიწაძისა და ბექა გიგაშვილის "შამბერიმ" ასევე სტუმრად წააგო "ნევერთან" - 10:19. ბიწაძე თამაშში 59-ე წუთიდან ჩაერთო და
ბოლო წუთზე ლელო გაიტანა. გიგაშვილი განაცხადში არ იყო.

ილია კაიკაციშვილის "ოში" კი შინ ქართველებისგან დაცლილ "მასისთან" დამარცხდა - 14:21. კაიკაციშვილი თამაშში 41-ე წუთიდან ჩაერთო.

ფედერალ 1. A ჯგუფი
სენ ნაზერი-ტარბი 13:27, ლიმოჟი-ბურგ ან ბრესი 22:11, ობენა-რომანი 35:12, ოში-მასი 14:21, ნევერი-შამბერი 19:10.

სატურნირო მდგომარეობა
1. ობენა - 5 ქულა, 2. ტარბი - 4, 3. ლიმოჟი - 4, 4. ნევერი - 4, 5. მასი - 4, 6. ოში - 1, 7. ექსი - 0, 8. შამბერი - 0, 9. ბურგ ან ბრესი - 0, 10. სენ ნაზერი - 0, 11. რომანი - 0.

ინგლისის ჩემპიონატში მეორე ტურის შეხვედრები გაიმართა. ჯაბა ბრეგვაძის "ვორსტერმა" შინ მიიღო "გლოსტერი" და მხოლოდ ფრეს დასჯერდა - 23:23. ბრეგვაძე თადარიგში იყო და მოედანზე 64-ე წუთიდან გამოჩნდა.

ზედიზედ მეორე მარცხი იგემა პრემიერშიპში დაბრუნებულმა გიორგი ნემსაძის "ბრისტოლმა". ჩვენებურის ამ გუნდმა შინ წააგო "ნორსჰემპთონთან" - 10:32.

ნემსაძემ სათადარიგო გუნდში, "ბრისტოლ იუნაიტედში" ითამაშა, რომელმაც "ჰარლიქვინზ A"-ს მოუგო - 37:26. საქართველოს ნაკრების მეორეხაზელმა სრულად ითამაშა და მეორე ტაიმში ლელო გაიტანა. "ბრისტოლი" და "ვორსტერი" აუტსაიდერთა შორის არიან.

ინგლისი. II ტური
ვორსტერი-გლოსტერი 23:23, სეილ შარქსი-ჰარლიქვინზი 19:10, ბასი-ნიუკასლი 58:5, ლესტერი-ვოსფსი 22:34, ბრისტოლ-ნორსჰემპთონი 10:32, ექსეტერი-სარასენზი 13:34

სატურნირო მდგომარეობა
1. სარასენზი - 10 ქულა, 2. ბასი - 9, 3. ვოსფსი - 9, 4. ნორსჰემპთონი - 6, 5. სეილ შარქსი - 5, 6. ლესტერ ტაიგერსი - 5, 7. ჰარლიქვინზი - 4, 8. გლოსტერი - 4, 9. ნიუკასლი - 4, 10. ვორსტერი - 2, 11. ბრისტოლი - 1, 12. ექსეტერი - 1.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 1 /
ვორსტერში ასევე თამაშობს რაფავა
Lucas
14:47 14-09-2016
0

სიახლეები პოპულარული