14-16 ნოემბერს "შევარდენის" სანაკრებო ბაზაზე სპეციალური შეკრება მოეწყობა საქართველოს ჩემპიონატში მოთამაშე რამდენიმე ამპლუის მორაგბეებისთვის. საქართველოს ნაკრების ახალზელანდიელი მწვრთნელი მილტონ ჰეიგი საგანგებო ტრენინგს ჩაუტარებს 9, 10 და 15 ნომრის პოზიციაზე მოთამაშეებს.
შეკრებაზე გამოძახებულია 25 მორაგბე, რომლებიც თავიანთ კლუბებში 9 (შერკინების გამთამაშებელი), 10 (ხაზის გამთამაშებელი) და 15 (მცველი) ნომრების პოზიციაზე თამაშობენ. მწვრთნელები შეამოწმებენ მათ ფიზიკურ ფორმას და იმუშავებენ სხვადასხვა უნარის ამაღლებაზე.
ეს ამპლუები რამდენადმე პრობლემატურად საქართველოში ითვლება და არსებობს მოსაზრება, რომ ამ პოზიციის მორაგბეები საქართველოს ნაკრებში შედარებით სუსტ რგოლს წარმოადგენენ.
ჰეიგს ასისტენტობას
პრაქტიკული ვარჯიშების გარდა, იგი თეორიულ მეცადინეობასაც გამართავს და დეტალურად განიხილავს ამ პოზიციის მოთამაშეთათვის სპეციფიკურ სათამაშო ნიუანსებს.
შეკრებაზე გამოძახებულები არიან: ბიძინა სამხარაძე, რამაზ ჯინაშვილი, გიორგი ბეგაძე, ვაჟა ხუციშვილი, ლაშა ნადირაძე, ვასილ ლობჟანიძე, დავით გულითაშვილი, ლევან გოგია, ლაშა ხმალაძე, რევაზ ჯინჭველაშვილი, რევაზ ბროძელი, გიორგი ბასილაია, გიორგი ტალახაძე, ირაკლი ყიასაშვილი, საბა ნიკოლავა, ბახვა კობახიძე, გიორგი აფციაური, იოსებ კიკვაძე, ბექა წიკლაური, ირაკლი სვანიძე, შავლეგ მახარაშვილი, თემურ თუთბერიძე, გიორგი ჭინჭარაული, გოდერძი ჭინჭარაული.
მილტონ ჰეიგს ასისტენტობას გაუწევენ: ილია მაისურაძე, დონ კასკი, ზურაბ ამონაშვილი, ირაკლი ჭყონია, ლადო კილასონია.
msy.gov.ge
ასევე იხილეთ:
მილტონ ჰეიგი: მაქვს ამბიცია, ჩვენი ნაკრები ისე მოვამზადო, რომ ტონგელთა დამარცხება შევძლოთ
არგენტინა - ყველაზე სწრაფად მზარდი სარაგბო ერი
