ქენთრებერელბმა უმძიმესი ბრძოლა გადაიტანეს სტუმრად "მანავატუსთან" და მინიმალური სხვაობით 27:26 მოიგეს. თამაში, როგორც ანგარიშდანაც ჩანს, საკმაოდ საინტერესო გამოდგა. გუნდებმა ოთხ-ოთხი ლელო მიითვალეს. სტუმართა გუნდიდან საუკეთესო იყო ფულბეკი შეინ მეთლენდი, რომელმაც მეტოქეს ორი ლელო გაუტანა. აქედან ერთი გადამწყვეტი, გამარჯვების მომტანი გამოდგა.
თამაშის დამთავრებამდე ათი წუთი იყო დარჩენილი, "ქენთერბერი" 22:26 აგებდა.
მასპინძელთა მიერ გატანილი ოთხი ლელოდან ორი გარემარბ ლოტე რაიკაბულას ანგარიშზეა.
საკმაოდ მძიმე ბრძოლა გადახდა ველიგთონში გათამაშების ლიდერ "მანუკაუს", რომელმაც ადგილობრივ გუნდს 31:25 მოუგო. აღსანიშნავია, რომ სტუმრები 26-ე წუთისთვის მშრალად 17:0-ს იგებდნენ. პირველი ტაიმი კი 23:3 მოიგეს.
მეორე ტაიმში ვითარება რადიკალურად შეიცვალა. ველიგთონელებმა სტუმრების სამ ლელოს ასევე სამი ლელოთი უპასუხეს, თუმცა მგეზავ ბადენ კერის ფეხჩუბინობის საპირწონედ არაფერი აღმოაჩნდათ. მანუკაუელთაგან კერის გარდა თავი გამოიჩინა ეში ტუალამ, რომელმაც ორი ლელო გაიტანა.
მეორეადგილოსან "საუთლენდმა" შინ გაჭირვებით მოუგო აუტსაიდერ "ოტაგოს" - 16:12. მასპინძლებს გამარჯვება პირველხაზელის ჯიმი მაკონტოშის ლელომ მოუტანა.
საუთლენდელებს გაცილებით სერიოზული გამომცდელი მომდევნო ტურში ეყოლებათ. ისინი ლიდერ "მანუკაუს" უმასპინძლებენ.
მესამეადგილოსანმა "ვაიკატომ" სტუმრად დაამარცხა "ოქლენდი" - 21:18. ვაიკატოელებმა მეტოქეზე ერთით მეტი საჯარიოს გატანა შეძლეს. სტუმართა გუნდი ამ წარმატებას მგეზავ ტრენტ რენატას უნდა უმადლოდეს.
II ტური: მანავატუ-ქენთერბერი 26:27, ჰოუქსი ბეი-ბეი ოფ პლენტი 11:30, ტარანაკი-ტასმანი 31:11, საუთლენდი-ოტაგო 16:12, ოქლენდი-ვაიკატო 18:21, ველიგთონი-მანუკაუ 25:31, ნორთლენდი-ნორთ ჰარბორი 24:25
სატურნირო მდგომარობა: 1. მანუკაუ - 9 ქულა, 2. საუთლენდი - 9, 3. ვაიკატო - 8, 4. ქენთერბერი - 7, 5. ოქლენდი - 6, 6. ბეი ოფ პლენტი - 6, 7. ტარანაკი - 6, 8. ნორთლენდი - 5, 9. ველინგთონი - 5, 10. ნორთ ჰარბორი - 4, 11. მანავატუ - 2, 12. ჰოუქს ბეი - 2, 13. ოტაგო - 1, 14. ტასმანი - 0
III ტური: ტასმანი-ჰოუქს ბეი, ქენთერბერი-ნორთ ჰარბორი, საუთლენდი-მანუკაუ, ოტაგო-ველინგთონი, ბეი ოფ პლენტი-ოქლენდი, ნორთლენდი-მანავატუ, ვაიკატო-ტარანაკი.
