ახალ ზელანდიაში სამხრეთელები ლიდერობენ

იტმ-ის თასის გათამაშების მერვე ტურის ცენტრალურ მატჩში "ვაიკატომ" შინ მინამლური სხვაობით წააგო გალიდერებულ "საუთლენდთან" - 6:7. ეს ანგარიში მატჩის 28-ე წუთზე დაფიქსირდა და უდიდესი მცდელობის მიუხედავად, აღარ შეცვლილა.
მეორეადგილოსანმა "ოკლენდმა" სტუმრად აუტსაიდერი "მანავატუ" დაამარცხა - 32:6. პირველი ტაიმი ამ შეხვედრაშიც ფავორიტებმა წააგეს - 0:6, რასაც შესვენების შემდეგ ვითარების რადიკალური შეცვლა მოჰყვა. ოკლენდელებმა მეტოქეს ოთხი ლელო გაუტანეს, ერთი საპრემიო ქულა მიითვალეს და ახლა 27 ქულით მეორე ადგილზე არიან.

საინტერესოდ წარიმართა მოწინავე ოთხეულის ორი წევრის, "ტარანაკისა" და "ქენთერბერის" მატჩიც. სხვა ლიდერებისგან განსხვავებით, ტარანაკელებმა მეტოქეს პირველივე ტაიმში აგრძნობინეს, რომ წარმატებაზე არც უნდა იოცნებონ. მათ მეტოქეს ხუთი ლელო გაუტანეს და 31:20 მოუგეს.

VIII ტური
ვაიკატო-საუთლენდი 6:7, მანავატუ-ოკლენდი 6:32, ველინგტონი-ჰოუქს ბეი 17:13, ტარანაკი-ქენთერბერი 31:20, ტასმანი-ნორთ ჰარბორი 21:28, ოტაგო-ნორთლენდი 8:13, ბეი ოფ პლენტი-მანუკაუ 24:21.
სატურნირო მდგომარეობა
1. საუთლენდი - 30 ქულა, 2. ოკლენდი - 27, 3. ტარანაკი - 27, 4. ქენთერბერი - 26, 5. ველინგტონი - 25, 6. ვაიკატო - 22, 7. ნორთლენდი - 21, 8. ბეი ოფ პლენტი - 21, 9. მანუკაუ - 20, 10. ნორთ ჰარბორი - 13, 11. ჰოუქს ბეი - 11, 12. ტასმანი - 11. 13. ოტაგო - 10, 14. მანავატუ - 7.

IX ტური
საუთლენდი-ოკლენდი, ბეი ოფ პლენტი-ოტაგო, ქენთერბერი-ველინგტონი, ჰოუქს ბეი-ტარანაკი, ვაიკატო-ტასმანი, მანუკაუ-ნორთლენდი, ნორთ ჰარბორი-მანავატუ.