"ნარშავების" მთავარი მწვრთნელი ენდი რობინსონი თითქმის შეუძლებელს ითხოვს. ის მოუწოდებს შოტლანდიელ მორაგბეებს, ნოემბერს სრულ ფიზიკურ და ფსიქოლოგიურ მზადყოფნაში შეხვდნენ, რათა მსოფლიოს ორი საუკეთესო გუნდის, "ოლ ბლექსისა" და "ბოკეს" დამარცხება შეძლონ.
"ამ თამაშებისთვის განსაკუთრებულად უნდა მოვემზადოთ. ეს არ არის ამხანაგური მატჩები. ახალი ზელანდიისა და სამხრეთ აფრიკის ნაკრებებთან წარმატებული თამაში ჩვენი გუნდის უცილობელი წინსვლის საწინდარი იქნება.
ამჟამად, ვქმნით გუნდს კონკრეტულად
ჩვენ უნდა გავიუმჯობესოთ ფიზიკური კონდიციები, გავზარდოთ სისწრაფე და დავხვეწოთ ტექნიკური არსენალი. ნაკრებში ისინი ითამაშებენ, ვინც ამ კომპონენტებს დააკმაყოფილებს," - თქვა ენდი რობინსონმა.
შეგახსენებთ, რომ შოტლანდიის ნაკრებმა ბოლო სამ თამაშში წარმატებით იასპარეზა. ექვსი ერის ბოლო შეხვედრაში ირლანდიის ნაკრების დამარცხების შემდეგ `ნარშავებმა~ ივნისის ტესტებზე არგენტინის ეროვნულ გუნდს ზედიზედ ორჯერ სძლიეს ბუენოს -აირესში.
ორი თვით აუკრძალეს
საფრანგეთის ჩემპიონატის ერთ-ერთი ლიდერის, პარიზული "მეტრო რასინგის" მწვრთნელ პიერ ბერბიზიეს ორთვიანი დისკვალიფიკაცია მიუსაჯეს.
საფრანგეთისა და იტალიის ნაკრებების ყოფილი მწვრთნელი ფრანგული რაგბის ნაციონალური ლიგის (NLღ) სადისციპლინო კომიტეტემა არბიტრ კრისტოფ ბერდოსის მიმართ გამოთქმული მოსაზრებების გამო დასაჯა. ბერბიზიემ `ლა როშელთან~ მატჩის შემდეგ თქვა, რომ ბერდოსის ამ თამაშის არბიტრად დანიშვნა პროვოკაციააო. მანამდე კი მან ბერდოსი წინა ჩემპიონატის პლეი ოფში "კლერმონთან" მატჩში მიკერძოებულ მსაჯობაში დაადანაშაულა.
ყოველივე ამის გამო ბერბიზიე გუნდს 28 ნოემბრამდე ვერ გაწვრთნის. ეს კი, იმას ნიშნავს, რომ პარიზელებს მის გარეშე მოუწევთ საფრანგეთის ჩემპიონატის ოთხი კალენდარული და ჰეინეკენის თასის ერთი მატჩის გამართვა.
