ცხადია, რაგბის ქართველი ქომაგისთვის ყველაზე დიდ ინტერესს სწორედ "ნარშავების" დაპირისპირება იწვევდა მსოფლიოს ერთ-ერთ საუკეთესო გუნდთან. საინტერსო იყო, რას წარმოადგენს რეალურად მსოფლიო თასზე საქართველოს ნაკრების მომავალი მეტოქე.
"შოტლანდიის ნაკრებმა ცუდად ითამაშა. ისეთი შთაბეჭდილება დამრჩა, რომ კაცები, ანუ ახალზელანდიელები
"სკოტებმა" აღმავლობის გზაზე მდგარ მეტოქეს ვერაფერი დაუპირისპირეს. "ოლ ბლექსმა" მასპინძლებს შვიდი უპასუხო, ერთიმეორეზე უკეთესი ლელო გაუტანა და მეტოქის გაყოყოჩებულ ინგლისელ თავკაცს ენდი რობინსონს დაანახა, რომ მის შეგირდებს ჯერ კიდევ ბევრი ვარჯიში სჭირდებათ. რობინსონი თამაშამდე რამდენიმე დღით ადრე დიდ გულზე იყო და ახალზელანდიელთა დამარცხებაზე ოცნებობდა.
"ნარშავების" შემდეგი მეტოქე კრიზისში მყოფი სამხრეთ აფრიკის ნაკრებია, რომელმაც ნოემბრის ტესტების ორივე მატჩი დიდი გაჭირვებით მოიგო. მართალია, ძლიერებს უმართლებთ, მაგრამ ამ თამაშებში "ბოკე" ძლიერი არ იყო და აშკარად გაუმართლა.
უელსელებმა პირველ ტაიმში შესანიშნავად ითამაშეს. გამორჩეულები გარემარბი შეინ ვილიამსი და მგეზავი სტივენ ჯოუნზი იყვნენ. ცალკე აღნიშვნის ღირსია მასპინძელთა თვრამეტი წლის დებიუტანტის ჯორჯ ნორსის თამაში. უელსური რაგბის ამომავალმა ვარსკვლავმა დებიუტი ორი ლელოთი აღნიშნა. ახალგაზრდა მორაგბისთვის ბრწინვალე დასაწყისია, მით უფრო, რომ მეტოქე, არც მეტი, არც ნაკლები, მსოფლიოს ჩემპიონი სამხრეთ აფრიკის ნაკრები იყო.
"ბოკემ" მეორე ტაიმში მაინც შეძლო თამაშში გარდატეხის შეტანა. ამის მიზეზი ალბათ შეინ ვილიამსის ტრავმაში უნდა ვეძებოთ. უელსელთა "ყოჩი" "ბოკეს" შუამარბმა ფრანსუა სტეინმა მიწაზე ისე დაანარცხა, რომ მარცხენა მხარი ამოუგდო. უშეინოდ კი უელსი სულ სხვა გუნდია და მიუხედავად იმისა, რომ ბოლო ათი წუთი "ბოკე" თავის ჩათვლის მოედანს მიაჯაჭვეს, მასპინძლებმა გამარჯვების ლელო მაინც ვერ გაიტანეს - 25:29.
შესანიშნავად, დიდოსტატურად ითამაშა ინგლისის ნაკრებმა. "პომებმა" კიდევ ერთხელ დაამტკიცეს, რომ ივნისში სიდნეიში ავსტრალიის ნაკრების ძლევა შემთხვევითი არ იყო. მარტინ ჯონსონის ბიჭები მთელი მატჩის განმავლობაში დომინირებდნენ და ავსტრალიას გამარჯვების იოტისოდენა შანსიც არ მისცეს - 35:17.
გუნდის ლიდერის, ჯონი ვილკინსონის არყოფნაში შესანიშნავად ითამაშა "პომების" ახალგაზრდა მგეზავმა ტობი ფლუდმა. მან მეტოქეს შვიდი საჯარიმო და ორი გარდასხვა გაუტანა (25 ქულა), რაც ასპროცენტიანი შედეგია. ინგლისელთა შესანიშნავ კომპანიაში კიდევ ერთი გამორჩეული გარემარბი კრის ეშტონი იყო, რომელმაც "ვოლაბები" ორი ლელოთი დაამწუხრა.
ავსტრალიის ნაკრები მეტოქესთან შედარებით ბევრად სუსტი ჩანდა. თუმცა, ცხადია, მსოფლიო დონის მორაგბეები ამ გუნდშიც საკმარისად არიან და სწორედ ისინი განსაზღვრავენ კიდეც რობი დინსის გუნდის თამაშის მანერას. ინგლისელებთან მატჩში ფულბეკმა ქართლი ბეილიმ გაიბრწყინა, რომელმაც ორი ლელო კი გაიტანა, მაგრამ თხუთმეტი ინგლისელის წინააღმდეგ მარტო ვერას გახდა.
შეგახსენებთ, რომ ინგლისის ნაკრები 2011 წლის მსოფლიო თასზე "ბორჯღალოსნების" მეტოქა. "პომები" ნელ-ნელა ძალას იკრებენ და ახალ ზელანდიაში, სავარაუდოდ, ერთ-ერთ უმთავრეს ფავორიტად მოგვევლინებიან.
ნოემბრის ტესტები ფიჯისთან თამაშით გახსნა საფრანგეთის ნაკრებმა. "ლე ბლემ" ექსპერიმენტული შემადგენლობით მეტოქეს ნანტში უმასპინძლა და 34:12 მოუგო. ნაყოფიერად გაისარჯა ფრანგთა ქართული წარმოშობის ცხრა ნომერი დიმიტრი იაშვილი, რომელმაც ხუთი საჯარიმო და ორი გარდასხვა გაიტანა (19 ქულა).
მარკ ლივერმონის ბიჭებს მთავარი გამოცდა ამ უქმეებზე ელით არგენტინის ნაკრებთან, რომელსაც დიდი ხანია, ვეღარ უგებენ. მანამდე კი "პუმებმა" ვერონაში, ლათინთა დერბიში იტალიის ნაკრებს მოუგეს 22:16.
სტუმრებს მგეზავ ფელიპე კონტეპომის ფეხჩუბინობამ მოაგებინა. დავით ქუბრიაშვილის თანაგუნდელმა იტალიელ ვიზავი მირკო ბერგამასკოზე ორით მეტი საჯარიმო გაიტანა.
იტალია-არგენტინა 16:22
იტალია: ლ - საჯარიმო. 3ს,გ - მ.ბერგამასკო
არგენტინა: ლ - როდრიგესი. 5ს,გ - კონტეპომი
ირლანდია-სამოა 20:10
ირლანდია: 2ლ - ჰისლიპი, ოგარა. 2ს,2გ: ოგარა
სამოა: ლ - ტუილაკი . გ,ს - ვილიმასი
უელსი-სამხრეთ აფრიკა 25:29
უელსი: 3ლ - ნორსი (2), ჰუკი. 2ს,2გ: ს.ჯოუნზი
სამხრეთ აფრიკა: 2ლ - ალბერტსი, მეტფილდი. 5ს,2გ - მ.სტეინი
საფრანგეთი-ფიჯი 34:12
საფრანგეთი: 3ლ - მარტი, მედარი, საჯარიმო. 5ს,2გ; იაშვილი
ფიჯი: 4ს - ბაი
შოტლანდია-ახალი ზელანდია 3:49
შოტლანდია: ს - პარქსი
ახ.ზელანდია: 7ლ - გეარი (2), კართერი, მულიაინა (2), ელისი, სმითი. 7გ - კარტერი (5), დონალდი (2).
20 ნოემბერი
უელსი-ფიჯი, ინგლისი-სამოა, შოტლანდია-სამხრეთ აფრიკა, ირლანდია-ახალი ზალანდია, იტალია-ავსტრალია, საფრანგეთი-არგენტინა.
