"ოლ ბლექსმა", როგორც მსოფლიო რეიტინგში პირველ ადგილზე მყოფ გუნდს ეკადრება, ევროპული ტურნე ტრიუმფით განვლო. გრემ ჰენრის ბიჭებმა ერთმანეთის მიყოლებით დაამარცხეს ინგლისის, შოტლანდიის, ირლანდიის დაუელსის ნაკრებები, რითაც დაამტკიცეს, რომ წლეულს სამი ერის მოგება, როგორც ამას დე
ახალზელანდიელებმა ბოლოს კარდიფში, "მილენიუმზე" უელსის ნაკრები შთამბეჭდავ ბრძოლაში დაამარცხეს 25:37. "კივებს" მასპინძლების წინააღმდეგობის დაძლევა პირველ ტაიმში გაუჭირდათ. მათი უპირატესობა სულ რაღაც ოთხ ქულაში აისახა - 13:9.
მეორე ნახევარი მთლიანად "ოლ ბლექსის" კარნახით წარიმართა. მათ მეტოქეს ოთხი ლელო გაუტანეს და დამსხურებული, ლამაზი გამარჯვება იზეიმეს.
დიდ ინტერესს იწვევდა 2011 წლის მსოფლიო თასზე საქართველოს ნაკრების მეტოქის ინგლისის ეროვნული გუნდის დაპირისპირება მსოფლიოს ჩემპიონ "ბოკესთან". ლონდონში, "თვიქნემზე" სამხრეთაფრიკელებმა "პომები" თითქმის ყველა კომპონენტში დაჩაგრეს და 21:11 მოუგეს.
მასპინძლებს გამარჯვების იმედი მათი საკმაოდ მძლავრი, მობილური შერკინების გამო ჰქონდათ, თუმცა "ბოკემ" სწორედ ამ რგოლში პირწმინდად აჯობა. მარტინ ჯონსონის სამწყსომ წინააღმდეგობის გაწევა მხოლო პირველ ტაიმში შეძლო, რომელიც ფრედ 6:6 დასრულდა.
შესვენების შემდეგ ვილემ ალბერტსმა და ლუაზი მვოვომ თითო ლელო გაიტანეს და მასპინძლები, ფაქტობრივად, უშანსოდ დატოვეს. ინგლისელმა ფულბეკმა ბენ ფოდენმა თამაშის დამთავრებამდე ერთი წუთით ადრე მეტოქე კონტრშეტევაზე დაალელოვა, მაგრამ გვიანღა იყო.
სენსაციური ანგარიში დაფიქსირდა პარიზში, სადაც "ლე ბლემ", როგორც უკვე ვთქვით, კატასტროფული ანგარიშით წააგო ავსტრალიის ნაკრებთან. აღსანიშნავია, რომ პირველი ტაიმი მასპინძლებს მსგავს არაფერს უქადდა. ფრანგებმა მორკინალების მძლავრი, მობილური თამაშით სტუმრებს ბევრი პრობლემა შეუქმნეს, თუმცა ტაიმი მაინც ფრედ 13:13 დასრულდა.
მატჩის მეორე ნახევარში "ვოლაბების" უკანახაზელებმა გაინავარდეს. შვიდი ლელოდან ხუთი სწორედ მათ ანგარიშზეა. გარემარბმა დრიუ მიტჩელმა კი დუბლი გაიფრომა. საქმე იქამდე მივიდა, რომ "ლე ბლეს" საკუთარმა ქომაგმა დაუსტვინა.
ქართული წარმოშობის ცხრა ნომერი დიმიტრი იაშვილი თამაშში 72-ე წუთიდან ჩაერთო, როცა ანგარიში 16:40 იყო.
მძიმე ბრძოლა გადახდა საქართველოს ნაკრების კიდევ ერთ მეტოქეს, შოტლანდიის ეროვნულ გუნდს. "ნარშავებმა" ედინბურგში, "მერიფილდზე" სამოას ნაკრებს გაჭირვებით - 19:16 მოუგეს. 55-ე წუთისთვის ანგარიში საყაიმო იყო - 16:16. მატჩის დამთავრებამდე დარჩენილ დროში გარდატეხის შეტანას ვერცერთი ახერხებდა. გამარჯვების მომტანი საჯარიმო კი 79-ე წუთზე შეცვალზე შესულმა რუარიდ ჯეკსონმა გაიტანა.
შოტლანდია-სამოა 19:16
შოტლანდია: ლ - ვოლკერი. 2ს - პარკსი, ჯეკსონი. გ,ა - პარქსი.
სამოა: ლ - ფოტუალი. 3ს,გ - ვილიამსი.
იტალია-ფიჯი 24:16
იტალია: 8ს - ბერგამასკო
ფიჯი: ლ - ტალეიმატოგა. 3ს,გ: ბაი
ინგლისი-სამხრეთ აფრიკა 11:21
ინგლისი: ლ - ბოდენი. 2ს - ფლუდი.
სამხრეთ აფრიკა: 2ლ - ალბერტსი, მვოვო. 3ს,გ - მ.სტეინი.
უელსი-ახალი ზელანდია 25:37
უელსი: ლ - ბირნი. 6ს,გ - ს.ჯოუნზი.
ახალი ზელანდია: 4ლ - გეარი, მულიაინა, ტოეავა, აფოა. 3გ,2ს - კარტერი.
საფრანგეთი-ავსტრალია 16:59
საფრანგეთი: ლ - საჯარიმო. 3ს.გ - პარა.
ავსტრალია: 7ლ - ეშლი-კუპერი, გენია, რობინსონი, მიტჩელი (2), ელსომი, ოკონრი.
ირლანდია-არგენტინა 9:29
ირლანდია: 2ლ - ფერისი, დარსი. 5ს -სექსტონი. 2გ - სექსტონი, ოგარა.
არგენტინა: 3ს - კონტეპომი.
