ფიჯის ნაკრებმა შესაძლოა ახალ ზელანდიაში გასამართ მსოფლიოს თასზე ვერ იასპარეზოს. ამის შესახებ IRB-ს ფიჯის რაგბის კავშირმა აცნობა. ფიჯის რაგბის კავშირის ხელმძღვანელობა მთელი შემადგენლობით გადადგა, მას შემდეგ, რაც ფიჯის ხელისუფლებამ უარი უთხრა ეროვნული ნაკრების დაფინანსებაზე. რაგბის კავშირმა, გუნდის სათანადოდ მოსამზადებლად, სახელმწიფოსგან 3 მილიონი ამერიკული დოლარი მოითხოვა.
ფიჯის სპორტის მინისტრის ფილიპ ბოლეს აქტიური ძალისხმევით რაგბის კავშირის ხელმძღვანელობაში ახალი ადამიანები მივიდნენ. თუმცა, როგორც IRB-ის მიერ გავრცელებულ კომუნიკეშია ნათქვამი, სახელმწიფოს მხრიდან უხეში ჩარევის ფაქტის დადასტურების შემთხვევაში, დღის წესრიგში დადგება ფიჯის IRB-დან გარიცხვის საკითხი.
IRB-ს
შეგახსენებთ, რომ მსოფლიო თასზე ფიჯის ნაკრები D ჯგუფში სამხრეთ აფრიკის, უელსის, სამოასა და ნამიბიის ნაკრებების წინააღმდეგ ითამაშებს.
.
