ინგლისის რაგბის კავშირი დაფუძნდა. ლონდონში სასტუმრო "პელ მელის" რესტორანში 21 კლუბის წარმომადგენელი შეიკრიბა, რომლებმაც ინგლისის რაგბის კავშირი დააარსეს. აქვე დამტკიცდა თამაშის ახალი წესები. ინგლისის რაგბის კავშირი მსოფლიოში ყველაზე ძველი სარაგბო გაერთიანებაა. ამ ორგანიზაციის პირველი გადასაწყვეტი პრობლემა იყო საკითხი, რაგბი სამოყვარულო დარჩებოდა თუ პროფესიული გახდებოდა. გადაწყდა, რომ რაგბი მოყვარულებს უნდა ეთამაშათ.
აღსანიშნავია, რომ 22-ე კლუბის, "ვოსფსის" ხელმძღვანელები თავყრილობაზე არ იყვენენ, რადგან მხოლოდ მეორე დღეს გამოცხადდნენ და თანაც სხვა სასტუმროში. ამიტიომ არ არის "ვოსფსი" ინგლისის რაგბის კავშირის დამფუძნებელთა შორის.
1895
შოტლანდიის ნაკრებმა სეზონი უელსის ეროვნული გუნდის დამარცხებით დაიწყო - 5:4. ედინბურგში გამართულ შეხვედრაში ორი ლელო ფულ ბეკმა ალან სმითმა გაიტანა, გარდასახვა რებერნ პლეისის ანგარიშზეა.
1952 წელი
ირლანდიის ნაკრებმა პარიზში, "კოლომბზე" საფრანგეთის ნაკრებს 11:8 მოუგო. სტუმართა გუნდიდან ორი ლელო ჯიმი მაკკარტიმ გაიტანა. მათ შორის მეორე მთლიანად მისი დამსახურება იყო. ჯიმიმ მეტოქის ლელომდე 40 იარდი ირბინა და გზად ოთხ მოწინააღმდეგეს აუარა გვერდი. "სამყურების" დებიუტანტმა ჯონ ნოტლიმ გარდასახა, ნოელ ჰენდერსონმა კი ერთი საჯარიმო მიითვალა. აღსანიშნავია, რომ ამის შემდეგ ირლანდიის ნაკრებმა პარიზში მხოლოდ ორჯერ მოუგო "ლე ბლეს".
ამავე დღეს სამხრეთ აფრიკის ნაკრებმა კარდიფში "ბარბაროსები" დაამარცხა - 17:3. მატჩის პირველი ტაიმი ფრედ 3:3 დასრულდა. შესვენების შემდეგ "ბარბაროსებმა" რამდენიმე ხელსაყრელი მომენტი ვერ გამოიყენეს, რისთვისაც "ბოკემ" დასაჯა კიდეც.
1963 წელი
საფრანგეთის ნაკრებმა "ლენსდაუნ როუდზე" ირლანდიის ნაკრებს 24:5 მოუგო. ფრანგთა გარემარბმა კრისტიან დეროიმ მეტოქეს სამი ლელო გაუტანა, კიდევ ერთი ლელო გაი ბონიფასის ანგარიშზეა. მასპინძელთა გუნდიდან ერთადერთი ლელო ტონი ორაილის წილად მოდის, რომელიც ტომ კირნანმა გარდასახა.
1997 წელი
ევროთასებზე "ჩელენჯ კაპის" პირველი გათამაშება ფრანგული გუნდების ჰეგემონიით წარიმართა. ფინალში, რომელიც ბეზიეში 10 ათასი ქომაგის თანდასწრებით გაიმართა, "ბურგუენმა" 18:9 მოუგო "კასტრს".
.
