ფორმულა 1. იტალიის გრანპრი: ლიდერი პირველად შეიცვალა

2017 წელს, "ფერარი" საშინაო ეტაპზე თავის 70-წლიან იუბილეს აღნიშნავდა. იტალიელებს ზეიმი გამოუვიდათ, მაგრამ სარბოლო უქმეები არც ისე წარმატებული გამოდგა.

პირველი იმედგაცრუება "ფერარის" საკვალიფიკაციო რბოლაში ელოდა: კიმი რაიკონენმა და სებასტიან ფეტელმა მხოლოდ მესამე რიგიდან აიღეს სტარტი. მეორე რიგში იდგა სებასტიან ოკონი, რომელმაც კარიერაში საუკეთესო შედეგი აჩენა.

პოული კი მოიგო ლუის ჰემილტონმა. ეს იყო მისი 69-ე გამარჯვება იყო კვალიფიკაციაში, რითაც აბსოლუტური რეკორდსმენი გახდა ამ მაჩვენებლით ფორმულა 1-ის ისტორიაში. მის გვერდით კი საკვალიფიკაციო რბოლის კიდევ ერთი სენსაცია იდგა - "უილიამსის" დებიუტანტი ლენს სტროლი. ის გახდა ყველაზე ახალგაზრდა პილოტი ისტორიაში (18 წლის, 10 თვისა და 5 თვის), რომელმაც პირველი ხაზიდან აიღო სტარტი.

- სტარტზე ლუის ჰემილტონმა შეინარჩუნა ლიდერობა. ოკონმა გაუსწრო სტროლს და მეორე ადგილზე გადავიდა. რაიკონენმა უკან ჩამოიტოვა ბოტასი, მაგრამ ცოტა ხანში ფინელმა დაიბრუნა პოზიცია.

- პირველი ათეული 2 წრის შემდეგ: ჰემილტონი - ოკონი - სტროლი - ბოტასი - რაიკონენი - ფეტელი - მასა - ფერსტაპენი - პერესი - მაგნუსენი.

- მესამე წრეზე ბოტასმა გაუსწრო სტროლს, ფეტელმა - რაიკონენს. ფერსტაპენმა მასასთან ბრძოლაში საბურავი დააზიანა და ბოქსებისკენ გაემართა.

- მეოთხე წრეზე ბოტასმა გაუსწრო ოკონს მეორე ადგილისთვის ბრძოლაში. ფეტელმა ჩამოიტოვა სტროლი, რიკარდომ - კვიატი.

- პირველი ათეული 5 წრის შემდეგ: ჰემილტონი - ბოტასი - ოკონი - ფეტელი - სტროლი - რაიკონენი - მასა - პერესი - მაგნუსენი - რიკარდო.

- მე-7 წრეზე ფეტელმა კიდევ ერთი პოზიცია მოიგო - გაუსწრო ოკონს და მესამე ადგილზე გადავიდა. რიკარდომ მაგნუსენს აჯობა მეცხრე ადგილისთვის ბრძოლაში.

- მე-10 წრიდან დაიწყო პიტსტოპების სერია. იქვე რიკარდომ პერესს გაუსწრო და მეხუთე ადგილი მოიპოვა.

- 26-ე წრეზე რაიკონენმა ოკონს გაუსწრო და მეექვსე პოზიციაზე გადავიდა.

- 32-ე წრეზე ფეტელმა შეცვალა საბურავები, 33-ე წრეზე - ჰემილტონმა, 34-ზე - ბოტასმა.

- 38-ე წრეზე რიკარდო ბოლო პილოტი იყო, ვინც საბურავები შეცვალა.

- პირველი ათეული 38 წრის შემდეგ: ჰემილტონი - ბოტასი - ფეტელი - რაიკონენი - რიკარდო - ოკონი - სტროლი - მასა - პერესი - მაგნუსენი.

- რიკარდო SuperSoft-ის საბურავებით სწრაფად ამცირებდა სხვაობას რაიკონენთან და 41-ე წრეზე წინ გავიდა.

- ფერსტაპენმა ზედიზედ გაუსწრო საინსს, ჰიულკენბერგს, კვიატსა და მაგნუსენს და მე-10 პოზიციაზე გადავიდა.

- რიკარდო ამცირებდა სხვაობას ფეტელთან, მაგრამ შესატევ დისტანციაზე მისვლა ვერ შეძლო.

ლუის ჰემილტონმა უპრობლემოდ შეძლო იტალიის გრანპრის მოგება, რითაც სეზონში მეექვსე გამარჯვება მოიპოვა, კარიერაში 59-ე. მეორე ადგილზე გავიდა ვალტერი ბოტასი, რითაც "მერსედესმა" სეზონში მესამე დუბლი შეასრულა. სებასტიან ფეტელმა გამარჯვებულთან ნახევარ წუთზე მეტი წააგო და პოდიუმის მესამე საფეხური დაიკავა.

პირველად ამ სეზონში, საერთო ჩათვლის ლიდერი გახდა ჰემილტონი. ბრიტანელი ფეტელს სამი ქულით უსწრებს. ბოტასი ისევ მესამეა, მაგრამ უკვე 41 ქულას აგებს პირველ პოზიციასთან.

კონსტრუქტორთა თასზე "მერსედესი" "ფერარის" 62 ქულით გაექცა.
ამით, დასრულდა სეზონის ევროპული ნაწილი. ჩემპიონატი ორი კვირის შემდეგ, სინგაპურის ღამის რბოლით გაგრძელდება.

იტალიის გრანპრი
მონცა. 53 წრე, 306.720 კმ
1(1). ლუის ჰემილტონი (ბრიტ, მერსედესი) 1:15.32,310 (1)
2(4). ვალტერი ბოტასი (ფინ, მერსედესი) +4,471 (1)
3(6). სებასტიან ფეტელი (გერ, ფერარი) +36,317 (1)
4(16). დანიელ რიკარდო (ავსტრა, რედ ბული) +40,335 (1)
5(5). კიმი რაიკონენი (ფინ, ფერარი) +60,082 (1)
6(3). ესტებან ოკონი (საფ, ფორს ინდია) +71,528 (1)
7(2). ლენს სტროლი (კან, უილიამსი) +74,156 (1)
8(7). ფელიპე მასა (ბრა, უილიამსი) +74,834 (1)
9(10). სერხიო პერესი (მექ, ფორს ინდია) +75,276 (1)
10(13). მაქს ფერსტაპენი (ჰოლ, რედ ბული) 1 წრე (2)
11(9). კევინ მაგნუსენი (დან, ჰაასი) 1 წრე (1)
12(8). დანიილ კვიატი (რუს, ტორო როსო) 1 წრე (1)
13(14). ნიკო ჰიულკენბერგი (გერ, რენო) 1 წრე (1)
14(15). კარლო საინსი (ესპ, ტორო როსო) 1 წრე (1)
15(20). რომენ გროსჟანი (საფ, ჰაასი) 1 წრე (2)
16(12). პასკალ ვერლაინი (გერ, ზაუბერი) 2 წრე (1)

ფინიშზე ვერ მივიდნენ
17(19). ფერნანდო ალონსო (ესპ, მაკლარენი) 2 წრე
18(11). მარკუს ერიქსონი (შვედ, ზაუბერი) 2 წრე
19(18). სტოფელ ვანდორნი (ბელ, მაკლარენი) 20 წრე
20(17). ჯოლიონ პალმერი (ბრიტ, რენო) 23 წრე

საერთო ჩათვლა
1. ლუის ჰემილტონი - 238 (6 მოგება)
2. სებასტიან ფეტელი - 235 (4)
3. ვალტერი ბოტასი - 197 (2)
4. დანიელ რიკარდო - 144 (1)
5. კიმი რაიკონენი - 138
6. მაქს ფერსტაპენი - 68
7. სერხიო პერესი - 58
8. ესტებან ოკონი - 55
9. კარლოს საინსი - 36
10. ნიკო ჰიულკენბერგი - 34
11. ფელიპე მასა - 31
12. ლენს სტროლი - 24
12. რომენ გროსჟანი - 24
14. კევინ მაგნუსენი - 11
15. ფერნანდო ალონსო - 10
16. პასკალ ვერლაინი - 5
17. დანიილ კვიატი - 4
18. სტოფელ ვარნდორნი - 1

კონსტრუქტორთა თასი
1. მერსედესი - 435
2. ფერარი - 373
3. რედ ბული - 212
4. ფორს ინდია - 113
5. უილიამსი - 55
6. ტორო როსი - 40
7. ჰაასი - 35
8. რენო - 34
9. მაკლარენი - 11
10. ზაუბერი - 5

ყოველდღიური სპორტული გაზეთი "ლელო"