საქართველოს პირველმა ჩოგანმა ნიკოლოზ ბასილაშვილმა ავსტრალიის ღია პირველობაზე ასპარეზობა წარმატებულად დაიწყო.მსოფლიო რეიტინგში 61-ე პოზიციაზე მყოფმა ქართველმა ავსტრიელი ჟერალდ მელცერი ოთხ სეტში - 6:3, 6:4, 2:6, 6:3 დაამარცხა.
ბასილაშვილმა მეტოქის ჩაწოდება ექვსჯერ აიღო, საკუთარი კი ოთხჯერ დაკარგა.
ქართველმა ჩოგბურთელმა 4 ეისი დააგროვა, თუმცა, 2 ორმაგი შეცდომა დაუფიქსირდა.
მომდევნო ეტაპზე გასვლით ბასილაშვილმა 10 სარეიტინგო ქულა და 60 000 დოლარი გამოიმუშავა.
მისი შემდეგი მეტოქე კი რუბენ ბემელმანსისა და ლუკა პულის მატჩში გაირკვევა, რომელიც ამ წუთებში მიმდინარეობს.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
