ეკატერინე გორგოძემ ანტალიის ტურნირზე ასპარეზობა ერთეულებში ნახევარფინალში დაასრულა. საქართველოს ქალ ჩოგბურთელთა ნაკრების წევრი, კანადელ რებეკა მარინოსთან სამ სეტში - 6:4, 2:6, 3:6 დამარცხდა. ქართველის ანგარიშზე 2 ეისი და 7 ორმაგი შეცდომა დაფიქსირდა. აღსანიშნავია, რომ ეკატერინეს მეტოქემ ეისით ქულა 10 შემთხვევაში აიღო, თუმცა საკუთარი ჩაწოდება 4-ჯერ დაკარგა.
აქვე გეტყვით, რომ გორგოძე ამავე ტურნირზე წყვილთა თანრიგში ფინალშია გასული. მისი და დეა ჰერძელასის დუეტი, მარტინა კარეჯაროსა და ფედერიკა დი სარას წყვილს დაუპირისპირდება.
