საქართველოს პირველი ჩოგანი ნიკოლოზ ბასილაშვილი უნგრეთის დედაქალაქ ბუდაპეშტში მიმდინარე ტურნირის 1/8-ფინალში ითამაშებს. მსოფლიო რეიტინგში 79-ე პოზიციაზე მყოფმა ქართველმა იტალიელი პაულო ლორენცი ორ სეტში - 6:4, 6:2 დაამარცხა.
ნიკოლოზმა სამი ბრეიკი გააკეთა, საკუთარი ჩაწოდება კი არ დაუკარგავს. მის ანგარიშზე 5 ეისი და არცერთი ორმაგი შეცდომა არ დაფიქსირებულა.
ამ გამარჯვებით ბასილაშვილმა ლორენცისთან ურთიერთდაპირისპირებებში წონასწორობა აღადგინა და 1:1 გახადა.
მისი შემდეგი მეტოქე კი ამომავალი ვარსკვლავი, კანადელი დენის შაპოვალოვი იქნება.
![პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]](/pictures/image7/f7f913be9b90e25831c1617d82586db5.jpg "პირველი ტიტული 2021 წლის შემდეგ - ბასილაშვილი სეულის ტურნირის ჩემპიონია! [VIDEO]")
