დღეს, 5 სექტემბრის დილით გამართულ US Open-ის 1/4-ფინალში, ერთმანეთის წინააღმდეგ არგენტინელი და ესპანელი მეგობრები - დიეგო შვარცმენი (21) და ჩოგბურთის ლეგენდა რაფაელ ნადალი (2) დაუპირისპირდნენ და ბევრ საინტერესო მომენტთან ერთად, ერთი ძალიან გამორჩეული გათამაშებაც შემოგვთავაზეს.
მატჩში გამარჯვება რაფაელ ნადალს დარჩა. ესპანელმა მეტოქე 3 სეტში დაამარცხა - 6:4, 7:5, 6:2. ეს ჩოგბურთელების მე-7 შეხვედრა იყო და 7-ვე რაფას აქვს მოგებული.
არგენტინელმა ჩოგბურთელმა ამერიკის ღია ჩემპიონატზე 2017 წელს მიღწეული თავისი საუკეთესო შედეგი გაიმეორა და მეოთხედფინალში გასვლა მოახერხა, რის შედეგადაც რეიტინგშიც 6 პოზიციით დაწინაურდება და ორშაბათიდან მსოფლიოს მე-15 ჩოგანი იქნება.
რაფას კი US Open-ი 3-ჯერ აქვს მოგებული - 2010, 2013 და 2017 წლებში. ამ წელსაც გამარჯვების შემთხვევაში რაფა მე-19 დიდ სლემს მოიგებს, როჯერთან ჩამორჩენას 1 სლემამდე შეამცირებს, რეიტინგში 9225 ქულა ექნება და 1-ელ ადგილზე მყოფ ჯოკოვიჩთან ჩამორჩენა მხოლოდ 600 სარეიტინგო ქულა იქნება.
რაფაელ ნადალი: ჯოკოვიჩი ამას არ იმსახურებს
![ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]](/pictures/image7/c8dbe304afdc0b72875cb71e962bee11.jpg "ნადალი: \"რეალის\" ფანი ვარ, მაგრამ მესი რონალდოზე უკეთესია [VIDEO]")
