ყოფილი მეუღლის მიმართ ფიზიკურ ძალადობაში ბრალდებული ჩოგბურთელი ნიკოლოზ ბასილაშვილი საზოგადოებისადმი მიმართვას ავრცელებს. ბასილაშვილის განცხადება მისმა ადვოკატმა ირმა ჭკადუამ სოციალურ ქსელ "ფეისბუქზე" განათავსა.როგორც ბასილაშვილის განცხადებაშია ნათქვამი, არ აპირებს ყოფილ მეუღლესთან საჯარო დისკუსიაში შესვლას და სჯერა, რომ სიმართლეს სასამართლოში ადვოკატების დახმარებით დაამტკიცებს.
ბასილაშვილი მხარდამჭერებსაც მიმართავს და მადლობას უხდის.
„ვწუხვარ და ბოდიშს ვუხდი საზოგადოებას, ჩემი ოჯახის ირგვლივ განვითარებული მოვლენების გამო. ვგრძნობ თქვენს ყოველწამიერ მხარდაჭერას და სიყვარულს, რისთვისაც უსაზღვროდ მადლიერი ვარ.
რაც შეეხება 22 მაისს, განვითარებულ მოვლენებს, ვიმედოვნებ, ყველა დეტალი გაირკვევა, ახლა უკვე
შეგახსენებთ, რომ საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა.
გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის, ნ.დ.-ს მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სისხლის სამართლის საქმეზე გამოძიება გრძელდება.
სასამართლომ ბასილაშვილის აღკვეთის ღონისძიების საკითხზე დღეს იმსჯელა და ის 100 000-ლარიანი გირაოს სანაცვლოდ გაათავისუფლა.
საქმეზე წინასასამართლო სხდომა 16 ივლისს არის ჩანიშნული.
წყარო IPN
ნიკოლოზ ბასილაშვილის ოჯახი განცხადებას ავრცელებს
ბასილაშვილი დაკავებულია - სასამართლომ 100 000 ლარიანი გირაო შეუფარდა
ნიკოლოზ ბასილაშვილის ცოლი: ჩემს თავს უფრო კომერციულ მოდელად ვხედავ [PHOTO]
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
ადამიანზე ხელის აღმართვა ვერ გამართლდება. რაც გინდა პროვოცირებული იყოს და დადგმული იყოს. არ არსებობს.
მეორეს მხრივ, თუ არაფერი არ ყოფილა და ეს ქალი ბასილაშვილის ფინანსურ შესაძლებლობეს ადგამს თვალს, რაც სულაც არაა გამორიცხული, მაშინ ამასაც სერიოზული დასჯა უნდა მოყვეს.
წარმომიდგენია როგორ ითვლის უკვე ოცნებაში ათიათასებს რომლებსაც ამ საცოდავ ბასილაშვილს წაგლიჯავს ეხლა ეს ქალი. ამ ყველაფერში მას ხელს შეუწყობს ქალების დაცვის მოტივითჩაციკლული ჩვენი სასამართლო და ჩვენი გამოშტერებული საზოგადოება. ცალკე ქალების უფლებებზე ლაპარაკლი მარაზმია. არ არსებობს ქალის და კაცის უფლება. დღე ჩვენს საზოგადოებაში კი ქალთა უფლებებზე უფროა აქცენტი. ადამიანის უფლებები არსებობს და არა სქესების.