ნიკოლოზ ბასილაშვილის ოჯახი განცხადებას ავრცელებს

AutoSharing Option
ნიკოლოზ ბასილაშვილის ოჯახი განცხადებას ავრცელებს. განცხადებაში, რომელიც "ინტერპრესნიუსს" ოჯახმა მიაწოდა, აღნიშნულია, რომ ინფორმაცია ძალადობის შესახებ არ შეესაბამება სიმართლეს და ამ ფაქტის დამადასტურებელი არანაირი მტკიცებულება არ არსებობს.

მათივე ინფორმაციით, ეს არ არის პირველი შემთხვევა როცა, ბასილაშვილის ყოფილი მეუღლე ცდილობს ნიკოლოზს და მის ოჯახს მორალური, ფინანსური თუ რეპუტაციული ზიანი მიაყენოს.

„გვსურს, გამოვეხმაუროთ იმ ბრალდებებს, რომლებიც დღეს ნიკოლოზის და ჩვენი ოჯახის მისამართით გაჟღერდა.

პირველ რიგში, გვინდა, გულშემატკივრებს ბოდიში მოვუხადოთ იმ ცრუ ბრალდებების გამო, რაც ნიკოლოზის და ჩვენი ოჯახის მისამარით ისმის. სრული პასუხისმგებლობით ვაცხადებთ,
რომ ინფორმაცია ძალადობის შესახებ არ შეესაბამება სიმართლეს და ამ ფაქტის დამადასტურებელი არანაირი მტკიცებულება არ არსებობს.

ეს არ არის პირველი შემთხვევა როცა, ნელი დოროყაშვილი, ნიკოლოზის ყოფილი მეუღლე ცდილობს ნიკოლოზს და მის ოჯახს მორალური, ფინანსური თუ რეპუტაციული ზიანი მიაყენოს.

ნიკოლოზ ბასილაშვილი და ნელი დოროყაშვილი განქორწინებაში იმყოფებიან. ნელი დოროყაშვილი, განქორწინებაზე უარს აცხადებდა, შესაბამისად განქორწინება სასამართლოს გზით, გარიგების საფუძველზე მოხდა. ნიკოლოზს ყოფილ მეუღლესთან არანაირი კონტაქტი სასამართლო გადაწყვეტილების შემდეგ არ ჰქონია გარდა ბავშის მეურვეობისა.

ნელი დოროყაშვილმა, განქორწინების შემდგომ, ასევე უსაფუძვლოდ, ბავშვზე ძალადობის ბრალდებით უჩიოდა ნიკოლოზ ბასილაშვილის დედას. საჩივარი სასამრთლომ განიხილა, და ბასილაშვილის დედა გაამართლა.

რაც შეეხება 21 მაისის შემთხვევას, ნელი დოროყაშვილი ნიკოლოზ ბასილაშვილის მშობლების საკუთრებაში უნებართვოდ შეიჭრა, სადაც გამიზნულად ცდილობდა კონფლიქტის გამოწვევას. მიუხედავად ამისა, მის მიმართ არანაირი ძალადობის არათუ ფაქტი, მცდელობაც კი არ ყოფილა. საბედნიეროდ, ამის ბევრი მტკიცებულება არსებობს და მას სასამართლო 2020 წლის 16 ივლისს განიხილავს.

სასამართლო პროცესი გრძელდება. გვჯერა, რომ ნიკოლოზი უდანაშაულობას სამართლებრივი გზით ძალიან მალე დაამტკიცებს“ , - ნათქვამია განცხადებაში.

წყარო IPN

მკითხველის კომენტარები / 8 /
პირადად მე ნიკას გულშემატკივარი ვარ! დაველოდოთ სასამართლოს გადაწყვეტილებას, ნუ დავარღვევთ უდანაშაულობის პრეზუმფციას. ფასეულობებში სერიოზულად რომ გვიჭირს უდაოა. ამას სერიოზული მიზეზები აქვს და ოჯახის დონეზე ვერ მოგვარდება. P.$. ნიკას ბოლოდროინდელ შედეგებს ეტყობიდა რაღაც რომ არ ჰქონდა წესრიგში. მეუღლესთან უთანხმოება მის ფსიქოლოგიას დაანგრევდა, რაც კორტზე ჩანდა. და მაინც არ მჯერა რომ მან მეუღლეზე ფიზიკურად იზალადა!!!
G.A.L.
12:17 25-05-2020
2
ღრმად მწამს, ისეთი პატიოსანი, გაწონასწორებული და მდგრადი ფსიქოლოგიური თვისებების მატარებელი პიროვნება, როგორიც ნიკოლოზ ბასილაშვილია, მით უფრო მცირე წლოვანი შვილის თანდასწრებით, ძალადობას არ ჩაიდენდა
ნუგზარი
10:24 25-05-2020
2

ასევე დაგაინტერესებთ
სიახლეები პოპულარული