ერთ-ერთ უძველეს, ბარსელონას ATP-ის 500-იან თიხის ტურნირზე, სადაც გენიალურ ესპანელ რაფაელ ნადალს 11-ჯერ გაუმარჯვია, დღეს ქართველი ჩოგბურთელი ნიკოლოზ ბასილაშვილი ჩაებმება.ბასილაშვილის მეტოქე მისთვის საკმაოდ კარგად ნაცნობი, ფრანგი ჯერემი შარდია. ბოლოს ისინი ნიკოლოზისთვის წარმატებულ, ჰამბურგის ტურნირის 1\4-ფინალში დაუპირისპირდნენ ერთმანეთს და ქართველმა მეტოქეს უშანსოდ სძლია. აი, მანამდე გამართულ ორივე დაპირისპირებაში კი ფრანგმა იმარჯვა.
ბოლოდროინდელი არასტაბილური ასპარეზობის მიუხედავად, კვალიფიკაციაში ბასილაშვილი 17 საფეხურით წინაა მეტოქეზე (36-ე). წარმატების შემთხვევაში მისი მომავალი მეტოქე კანადელი, რეიტინში მე-13 ადგილზე მყოფი, დენის შაპოვალოვი იქნება.
ბასილაშვილისა და შარდის შეხვედრა 19 აპრილს, თბილისის დროით 13 საათზე დაიწყება.
ბასილაშვილი ყველაზე პრესტიჟულ მასტერსს იწყებს!
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
