ჩოგბურთელებმა შეხვედრა აქტიურად დაიწყეს. სეტის მეორე ნახევარში, კერძოდ მე-6 და მე-8 გეიმში გერმანელი ნიკას მოწოდებაზე 15:30 დაწინაურდა, თუმცა ქართველმა რეაბილიტაცია და გათამაშებების თავის სასიკეთოდ დასრულება მოახერხა. აღსანიშნავია, რომ ზვერევი შესანიშნავად გამოიყურებოდა, საკუთარი 5 ჩაწოდება კი მშრალად მოიგო, რაც ნიკოლოზის მდგომარეობას ართულებდა, რადგან ქართველს ბრძოლა არა მეტოქის, არამედ საკუთარ ჩაწოდებაზე უწევდა, რამაც საბოლოოდ 1-ელ სეტზე ზეგავლენა იქონია… "ბასილას" მოწოდებაზე, კერძოდ მე-10 გეიმში, ქართველს ჩაწოდება არ გამოუვიდა და ზვერევმა ნიკას მოწოდების წართმევით პირველი სეტი 6:4 მოიგო.
მეორე სეტიც იმავე სცენარით დაიწყო, ჩოგბურთელები პრაქტიკულად უშეცდომოდ ასპარეზობდნენ. აღსანიშნავია, რომ გერმანელმა საკუთარ ჩაწოდებაზე პირველი ქულები მე-5 გეიმში წააგო.
ყველაფერი თითქოსდა მე-8 გეიმში გადაწყდა, როდესაც ნიკას გათამაშებაში გერმანელმა 15:40 უპირატესობა მოიპოვა, ორმაგი "ბრეიკ-პოინტი" გამოიყენა და თამაშის დაწყებიდან 1 საათისა და 6 წუთის თავზე მატჩზე ჩაწოდების უფლება მოიპოვა, მაგრამ "ბასილამ" ბრძოლისუნარიანობა გამოავლინა და 3 "მატჩ-ბოლის" მოგერიების შემდეგ მეტოქის მოწოდება მოიგო.
საბოლოოდ, საქმე ლოგიკურ ტაი-ბრეიკამდე მივიდა. გერმანელმა სტარტზევე სერიოზული უპირატესობა, 4:2 მოიპოვა, რაც გამოიყენა, მეოთხე "მატჩ-ბოლის" გამოყენება შეძლო და მეოთხედფინალში გავიდა, სადაც ჟერემი შარდისა და ლიამ ბროადის შორის გამარჯვებულს შეხვდება.
ნიკოლოზისთვის კი 2020 წლის ტოკიოს ოლიმპიადა დასრულდა. ქართველი, სავარაუდოდ, ძალების აღდგენის შემდეგ ამერიკულ ტურნეზე გადაერთვება.
"ბასილა" ოლიმპიადის მერვედფინალშია! ქართველის მეორე გამარჯვება
!["აუ, პენალტებს რა გაუძლებს" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]](/pictures/image7/817ca17bde76a44455858778936f6991.jpg "\"აუ, პენალტებს რა გაუძლებს\" - როგორ ქომაგობდა ნიკოლოზ ბასილაშვილი საქართველოს ნაკრებს [PHOTOS]")
