ფიგურულ ციგურაობაში ტალინის ახალგაზრდული მსოფლიო ჩემპიონატი საქართველოს ნაკრებმა სპორტულ ცეკვებში გამოსვლით დაასრულა.იულია ლებედევა-ბითაძისა და დიმიტრი პარხომენკოს წყვილმა მოკლე პროგრამაში დაკავებული მე-20 ადგილის შემდეგ უკეთ იასპარეზა თავისუფალში, სადაც 72.80-ქულიანი შეფასებით მე-18 ადგილი დაიკავა.
საქართველოს ნაკრების წარმომადგენლებმა, ორივე პროგრამის გათვალისწინებით, 117.89 ქულა დააგროვეს და ჩემპიონატი მე-20 ადგილით დაასრულეს.
საქართველოს ნაკრებისთვის დიდად წარმატებული გამოდგა სპორტულ წყვილებში გამოსვლა. ორი დღით ადრე კარინა საფინასა და ლუკა ბერულავას დუეტმა ჩემპიონატების ისტორიაში პირველად - ქართულ ფიგურულ ციგურაობას ოქროს მედლები მოუტანა.
საქართველოს ეროვნული ოლიმპიური კომიტეტი
კიდევ ერთი წარმატება ციგურაობაში - 14 წლის კონსტანტინე სუპატაშვილი
საფინა და ბერულავა ფიგურულ ციგურაობაში მსოფლიოს ჩემპიონები გახდნენ
ქართული წყვილი პირველ ადგილზე - საფინასა და ბერულავას წარმატებები გრძელდება [VIDEO]
