ინგა გურგენიძემ ფიგურულ ციგურაობაში ოქროს მედალი მოიპოვა [VIDEO]

00:00 / 00:00

• Play
• Mute
• Fullscreen

საქართველოში მიმდინარე 2025 წლის ახალგაზრდულ ოლიმპიურ ფესტივალზე ფიგურულ ციგურაობაში ინგა გურგენიძემ ოქროს მედალი მოიპოვა.

გუშინდელი მოკლე პროგრამის შემდეგ გურგენიძეს 58.84 ქულა ჰქონდა და მესამე ადგილს იკავებდა. დღეს თავისუფალ პროგრამაში მან 128.97 ქულა მიიღო, ჯამში კი 187.81 ქულა მოიპოვა და ოლიმპიური ოქროც დაიმსახურა. ვერცხლის მედლის მფლობელი ესტონელი ელინა გოიდინა გახდა, ბრინჯაოს მედალი კი შვეიცარიის სახელით მოასპარეზე ლეანდრა ციმპუკაკისმა მოიპოვა.

ცნობისთვის, ამ დრომდე ევროპის ზამთრის ახალგაზრდულ ოლიმპიურ ფესტივალზე ჩვენი ქვეყნიდან ოქროს მედალი არავის ჰქონდა მოპოვებული, თუმცა ინგამ დღეს ისტორიული შედეგი დააფიქსირა.

საქართველოს ეროვნულ ოლიმპიურ კომიტეტში გაიმართა წინა საფესტივალო პრესკონფერენცია და ევროპის ზამთრის XVII ახალგაზრდული ოლიმპიური ფესტივალისთვის საქართველოს ნაკრები გუნდის წარდგენა

თეგები:

ინგა გურგენიძე

გაზიარება:

(0)

/

(0)